Sitaram Sitralu: ఇంట్రెస్టింగ్‌గా సీతారాం సిత్రాలు ట్రైలర్.. డైరెక్టర్ మారుతి ప్రశంసలు

Sitaram Sitralu: 
బస్ స్టాప్, ఈ రోజుల్లో లాంటి చిన్న సినిమాలతో తన కెరియర్ మొదలు పెట్టిన మారుతి ప్రస్తుతం ప్రభాస్ తో పాన్ ఇండియా సినిమా చేసే రేంజ్ కి ఎదిగారు. ఈ ప్రయాణంలో ఆయన ఎన్నో కొత్త కాన్సెప్ట్ సినిమాలు తీయడమే కాకుండా ఎంతో మంది కొత్తవారిని కూడా ఎంకరేజ్ చేశారు. తాజాగా సరికొత్త కాన్సెప్ట్ తో రాబోతున్న సీతారాం సిత్రాలు సినిమా ట్రైలర్ ని విడుదల చేశారు ఈ డైరెక్టర్.

రైజింగ్ హాండ్స్ ప్రొడక్షన్స్ నెంబర్ 1 గా తెరకెక్కుతున్న సినిమా  సీతారాం సిత్రాలు.  లక్ష్మణ్ , కిశోరి దాత్రక్, భ్రమరాంబిక, హీరో హీరోయిన్ గా నటిస్తున్న ఈ సినిమా ద్వారా డి.నాగ శశిధర్ రెడ్డి దర్శకుడిగా పరిచయం అవుతున్నారు. మన పాత రోజులను గుర్తు చేస్తూ... పెళ్లి విసిఆర్ క్యాసెట్స్ పై రాబోతున్న సినిమా సీతారాం చిత్రాలు.  ఈ చిత్ర కాన్సెప్ట్  ట్రైలర్ ను దర్శకుడు మారుతి విడుదల చేశారు.

ఈ సందర్భంగా దర్శకుడు మారుతి మాట్లాడుతూ...
‘సరికొత్త కథ, కథనాలు ఉన్న సినిమాలను తెలుగు ప్రేక్షకులు ఎప్పుడూ ఆదరిస్తూ ఉంటారు. వైవిద్యమైన కథ ఉన్న చిత్రాలు ఎప్పుడూ ప్రేక్షకాదరణ పొందుతాయి. సీతారాం చిత్రాలు టైటిల్, ట్రైలర్ చాలా కొత్తగా ఉంది అలానే ఈ రెండు కూడా చాలా  బాగున్నాయి. సినిమా విజయం సాధించి అందరికి మంచి పేరు తెచ్చి పెట్టాలని కోరుకుంటున్నాను’ అని తెలియజేశారు .

షూటింగ్, పోస్ట్ ప్రొడక్షన్ కార్యక్రమాలు పూర్తిచేసుకున్న ఈ సినిమా త్వరలోనే థియేటర్స్ లో విడుదల కానుంది అని ఈ చిత్రం మేకర్స్ తెలిపారు.

ఈ సినిమాలో లక్ష్మణ్, భ్రమరాంబిక, కిశోరి దాత్రక్ తో పాటు ఢిల్లీ రాజేశ్వరి, కృష్ణమూర్తి, సందీప్ వారణాశి, గురుస్వామి లాంటివారు ముఖ్యపాత్రలో కనిపించనున్నారు. పార్థ సారధి, డి. నాగేందర్ రెడ్డి, కృష్ణ చంద్ర విజయభట్టు సంయుక్తంగా నిర్మించనున్న ఈ సినిమాకి కెమెరామెన్ గా అరుణ్ కుమార్ పర్వతనేని
బాధ్యతలు తీసుకోగా సంగీతాన్ని రుద్ర కిరణ్ అందిస్తున్నారు. BGM  శిరీష్ సత్యవోలు అందిస్తుండగా ఎడిటర్ గా ప్రణీత్ కుమార్ వ్యవహరిస్తున్నారు.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.