Vanangaan Movie : ప్రాజెక్ట్ నుంచి తప్పుకున్న సూర్య.. ఎక్కడ తేడా కొట్టిందంటే?

Suriya Quits Bala Vanangaan Movie : సూర్య ప్రస్తుతం నేషనల్ లెవెల్లో క్రేజ్ సంపాదించేసుకున్నాడు. కరోనా అంటూ రెండేళ్లకు స్టార్ హీరోలంతా కూడా ఇంట్లోనే ఉంటే.. సూర్య మాత్రం ఓటీటీలో దుమ్ములేపేశాడు. ఆకాశం నీ హద్దురా, జై భీమ్ సినిమాలు జాతీయస్థాయిలో గుర్తింపు సంపాదించుకోవడమే కాకుండా.. ఆస్కార్ ఎంట్రీకి భారత ప్రభుత్వం అధికారికంగా నామినేట్ చేసింది కూడా. అయితే ఆస్కార్ మాత్రం అందని ద్రాక్షలానే మారింది. కానీ సూర్య నటన మాత్రం జనాలను మెప్పించింది.

అలాంటి సూర్య తీసే సినిమాలపై ఇప్పుడు నేషనల్ వైడ్‌గా ఇంపాక్ట్ ఏర్పడింది. అయితే సూర్య నటించిన ఈటీ చిత్రం దారుణంగా ఫ్లాప్ అయింది. అయినా సూర్య సినిమాలకు మాత్రం గిరాకీ తగ్గడం లేదు. సూర్య వరుసపెట్టి చిత్రాలను చేస్తున్నాడు. సూర్య ప్రస్తుతం వాడివాసల్ అనే సినిమాను చేస్తున్నాడు. శివ దర్శకత్వంలో నటిస్తున్నాడు. ఇది కాకుండా బాలా సినిమాను కూడా ఈ ఏడాది ప్రారంభంలో మొదలుపెట్టేశాడు.

నంద, శివపుత్రుడు వంటి సినిమాల తరువాత బాలా దర్శకత్వంలో సూర్య నటించబోతోన్నాడని ఫ్యాన్స్ ఫుల్ ఖుషీ అయ్యారు. కానీ కొన్ని రోజులు షూటింగ్ చేశాక గానీ తెలియదు ఈ ఇద్దరి మధ్య చాలా గ్యాప్ ఉందని, క్రియేటివ్ డిఫరెన్స్ వల్ల సూర్య ఈ సినిమా నుంచి తప్పుకున్నాడట.

సూర్యకు ఈ స్టోరీ తగదని నిర్ణయించుకున్నాడట. మార్పులు చేర్పులు కూడా చేశారట. కానీ ఈ కథ మాత్రం తనకు సూట్ అవ్వడం లేదని అనుమానం వ్యక్తం చేశాడు. బాలా కూడా సూర్యను ఫోర్స్ చేయలేదట.. ఇద్దరి పరస్పర అంగీకారంతోనే సూర్య ఈ చిత్రం నుంచి తప్పుకున్నాడట.

భవిష్యత్తుల్లో మళ్లీ సూర్యతో సినిమా చేస్తానని, తాను మాత్రం ఇప్పుడు ఈ వనంగాన్ మూవీనే పూర్తి చేస్తానని బాలా తెలిపాడు. మరో వైపు సూర్య కూడా బాలా సినిమాకు ఆల్ ది బెస్ట్ చెప్పాడు. మరి నిజంగానే లోలోపల ఏమైనా జరిగి ఉంటుందా? అన్నది తెలియడం లేదు.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.