Trivikram Son Rishi : త్రివిక్రమ్ కొడుకు హీరో అంటున్న నెటిజన్స్.. నువ్వే నువ్వే లో అందుకే ఆ పేరా??

Trivikram : హీరోలకే కాదు దర్శకులకు కూడా మన టాలీవుడ్ లో వీరాభిమానులు ఉంటారు. అలా వీరాభిమానులను సంపాదించుకున్న దర్శకులలో త్రివిక్రమ్ ఒకరు.  మాటల మాంత్రికుడుగా మనకు పరిచయమై ఆ తరువాత నువ్వే నువ్వే సినిమాతో దర్శకుడిగా మారి మన అందరి ప్రేమను అందుకున్నారు. మొదటి సినిమాతోనే సూపర్ హిట్ సాధించారు. అప్పటివరకు త్రివిక్రమ్ అంటే మనకు నువ్వే కావాలి, నువ్వు నాకు నచ్చావ్ లాంటి సూపర్ సినిమాలకు సూపర్ డైలాగ్స్ ఇచ్చిన రైటర్ గానే తెలుసు.

కానీ నువ్వే నువ్వే సినిమా నుంచి ఆయన ఒక గొప్ప దర్శకుడిగా కూడా మనకు పరిచయమయ్యారు. ఆ సినిమాలోని అంజలీ క్యారెక్టర్ అలానే రిషి క్యారెక్టర్ మనకు ఎప్పటికీ గుర్తుంది పోతుంది. కాగా ఆ సినిమా విడుదలైన ఎన్నో సంవత్సరాల తర్వాత ఇప్పుడు మళ్లీ త్రివిక్రమ్ విషయంలో ఆ రిషి అనే పేరు వైరల్ అవుతుంది. ఎందుకు అనుకుంటున్నారా.. ఎందుకో కాదు మన త్రివిక్రమ్ కొడుకు పేరు కూడా రిషి కావడమే విశేషం. ఎప్పుడూ కనిపించని త్రివిక్రమ్ కొడుకు ఇప్పుడు ఒక ఫోటో వల్ల తెగ వైరల్ అవుతున్నారు. ఇక ఫోటోని చూడడంతో త్రివిక్రమ్ అభిమానులు అందరూ అతని కొడుకు అచ్చం హీరోలా ఉన్నారు అని అంటున్నారు. మరోపక్క మరి కొంతమంది ఆయన పేరు రిషి అని తెలుసుకొని అందుకే ఏమో మన మాటల మాంత్రికుడు తన మొదటి సినిమా హీరో పేరు అలా పెట్టుకున్నారు అని కూడా అనేస్తున్నారు.

ఏది ఏమైనా ప్రస్తుతం సోషల్ మీడియాలో తెగ వైరల్ అవుతున్న ఫోటో మాత్రం త్రివిక్రమ్ కొరకు రిషి మనోజ్ డి.  త్రివిక్రమ్ ఫ్యామిలీ మీడియాకు ఎక్కువగా దూరంగా ఉంటుంది. త్రివిక్రమ్ భార్య సాయి సౌజన్య ఇటీవలే బయటకి రావడం మొదలుపెట్టింది. కానీ త్రివిక్రమ్ కొడుకు మాత్రం ఎప్పుడూ బయట కనిపించరు.  త్రివిక్రమ్ కి ఇద్దరు పిల్లలు. గతంలో త్రివిక్రమ్ తనయుడి ఫోటోలు కొన్ని బయటకి వచ్చినా కరోనా నుంచి ఇటీవల త్రివిక్రమ్ తనయుడి ఫోటో ఒక్కటి కూడా బయటకి రాలేదు.

తాజాగా సిరివెన్నెల తనయుడు నటుడు రాజా త్రివిక్రమ్ కొడుకు ఫోటో లీక్ చేశాడు. ఆయన త్రివిక్రమ్ కి బంధువు కావడం విశేషం.  త్రివిక్రమ్ భార్య సౌజన్య, తనయుడు రిషి మనోజ్ తో రాజా వైజాగ్ ఎయిర్ పోర్ట్ లో సెల్ఫీ తీసుకోగా ఆ ఫోటోని తన ఇన్‌స్టాగ్రామ్ స్టోరీలో షేర్ చేశాడు. అంతే కాక రిషి ఇన్‌స్టాగ్రామ్ అకౌంట్ ని కూడా ట్యాగ్ చేశాడు. దీంతో ఈ ఫోటో ప్రస్తుతం తెగ వైరల్ అయిపోతోంది.

ఇక సినిమాల విషయానికి వస్తే ప్రస్తుతం త్రివిక్రమ్ మహేష్ బాబుతో గుంటూరు కారం సినిమాలో బిజీగా ఉన్నారు.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.