Uma Maheshwari Cremation Updates: ఉమా మహేశ్వరి అంత్యక్రియలకు తారక్ రావడం లేదా ?

Uma Maheshwari Cremation Updates: ఎన్టీయార్ నాలుగవ కూతురు ఉమా మహేశ్వరి మృతి నందమూరి కుటుంబంలో తీవ్ర విషాదాన్ని నింపింది. ఇటీవలే చిన్న కూతురు పెళ్లి చేసిన ఉమా మహేశ్వరి ఇంట్లో ఇక అన్ని ఆనందాలే అని అనుకుంటున్న సమయంలో ఆమే ఇలా ఉన్నట్టుండి అందరికీ షాకిచ్చేలా ఆత్మహత్యకు పాల్పడటం అందరినీ ఆశ్చర్యానికి గురిచేసింది. ఉమా మహేశ్వరి మృతితో నందమూరి కుటుంబం తీవ్ర దిగ్భ్రాంతికి లోనైంది. ఉమా మహేశ్వరి పెద్ద కూతురు, అల్లుడు విదేశాల్లో ఉంటున్నారు. తల్లి మరణ వార్త తెలుసుకున్న ఆమె తన కుటుంబంతో సహా హైదరాబాద్ కి ప్రయాణమయ్యారు. 

విదేశాల్లో ఉన్న జూనియర్ ఎన్టీఆర్, లక్ష్మీ ప్రణతిల పరిస్థితేంటి ?
భార్య లక్ష్మీ ప్రణతితో కలిసి విదేశీ పర్యటనకు వెళ్లిన యంగ్ టైగర్ జూనియర్ ఎన్టీఆర్ కి కూడా ఇది తీవ్ర దిగ్భ్రాంతికి గురిచేసే అంశమే. నందమూరి కుటుంబంలో అందరినీ కలుపుకునిపోయే మనిషిగా తారక్ చిన్న వయస్సులోనే మంచి పేరు తెచ్చుకున్నాడు. ఎవ్వరికి ఏ కష్టం వచ్చినా ముందుండే తారక్ అంటే ఆ ఇంట్లోనూ అందరికీ అభిమానమే. అయితే ప్రస్తుతం విదేశాల్లో ఉన్న తారక్.. మేనత్త ఉమా మహేశ్వరి మృతిపై ఇంకా స్పందించిన దాఖలాలు కనిపించడం లేదంటున్నాయి సినీ వర్గాలు. 

ఉమా మహేశ్వరి భౌతికకాయానికి ఎల్లుండి బుధవారం జూబ్లీహిల్స్ లోని మహా ప్రస్థానంలో అంత్యక్రియలు జరిగే అవకాశం ఉంది. పెద్ద కుమార్తె, అల్లుడు రాక కోసం ఆమె అంత్యక్రియలను ఎల్లుండికి వాయిదా వేసుకున్నట్టు తెలుస్తోంది. అందుకు వీలుగా ఉమా మహేశ్వరి భౌతికకాయం నుంచి దుర్వాసన రాకుండా ఉండేందుకు ఉస్మానియా ఆస్పత్రిలోనే ఎంబామింగ్ కూడా చేశారు. మరి ఈలోగా తారక్ తిరిగొచ్చేనా లేదా అనేదే ప్రస్తుతానికి క్లారిటీ లేని విషయం. అయితే, అయిన వారికి ప్రాధాన్యత ఇవ్వడంలో ఎప్పుడూ ముందుండే తారక్ వీలైనంత వరకు రావడానికే ప్రాధాన్యత ఇస్తాడనే అభిప్రాయాలు కూడా వినిపిస్తున్నాయి.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.

Android Link - https://bit.ly/3hDyh4G

Apple Link - https://apple.co/3loQYe