Jabardasth Latest Promo: షోలో అవమానం.. లేచి వెళ్లిపోయిన ఇంద్రజ.. నిజామా..? లేక TRP స్టాంటా..?

Jabardasth Latest Promo: బుల్లితెరపై ప్రస్తుతం వస్తున్న షోల్లో ఏవీ కూడా జనాలను అంతగా అట్రాక్ట్‌ చేయడం లేదు. ఎంటర్టైన్మెంట్ షోలన్నీ కూడా టీఆర్పీ స్టంట్లతో బాదేస్తున్నాయి. అరిగిపోయిన ప్రమోషనల్ టీఆర్పీ స్టంట్లతో జనాలను ఇంకా బోర్ కొట్టించేస్తున్నారు. షోల్లోనే పెళ్లి చేసుకోవడం, లవర్‌లను పరిచయం చేయడం, టీం లీడర్లు జడ్జ్‌లను నిలదీసినట్టుగా చూపించడం వంటివి ఇది వరకే ఎన్నో చూసేసి ఉన్నారు జనాలు. అయినా కూడా మళ్లీ అదే స్ట్రాటజీలతో ముందుకు వస్తున్నారు.

తాజాగా రిలీజ్ చేసిన జబర్దస్త్ ప్రోమోలో పాత పద్దతులనే ఫాలో అయ్యారు. ఓ జంటను తీసుకొచ్చి స్టేజ్ మీదనే తాళి కట్టించేశారు. ఇలా మరొక లవ్ ట్రాక్‌కు తెరదీశారు. అయితే ఇవన్నీ ఒకెత్తు అయితే చివర్లో వెంకీ మంకీ టీంతో చేయించిన టీఆర్పీ స్టంట్లు మరో లెవెల్‌గా నిలిచాయి. ప్రోమోలో ఏం చూపించారో ఓ సారి చూద్దాం.

వెంకీ మంకీ టీంకు ఇంద్రజ, కృష్ణ భగవాన్‌ ఇద్దరూ కూడా తొమ్మిది మార్కులు వేసినట్టున్నారు. తన స్కిట్ బాగున్నా కూడా ఎందుకు తక్కువ మార్కులు వేశారని నిలదీశాడు కమెడియన్. ఎక్కువ మార్కులు వేసినప్పుడు ఎందుకు వేశారు అని అడగలేదు ఎందుకు? అని రివర్స్‌లో నిలదీసింది ఇంద్రజ.

స్కిట్లు బాగున్నాయ్ కాబట్టి మీరు వేశారు అని వెంకీ అంటాడు. మీది కాస్త తక్కువగా ఉంది కాబట్టి తక్కువగా వేశాను..అయినా కృష్ణ భగవాన్ కూడా తొమ్మిదే వేశారు కదా?మీరు ఆయన్ని అడగకుండా నన్ను మాత్రమే ఎందుకు అడుగుతున్నారు అంటూ ఇంద్రజ తన సీట్‌లోంచి లేచి వెళ్లిపోయింది.

ఇక ఈ ప్రోమోను చూసిన జనాలు మాత్రం మల్లెమాల టీం, జబర్దస్త్ డైరెక్షన్ టీంను, ఇంద్రజను తిట్టేసుకుంటున్నారు. ఓవర్ యాక్షన్స్ అని, ఇలాంటివి ఇంకా ఎన్ని రోజులు చేస్తారు.. వీటిని నమ్మే రోజులు పోయాయ్.. కాస్తైనా మారండి అంటూ నెటిజన్లు దారుణంగా ట్రోల్స్ చేస్తున్నారు.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.