Vennela Kishore- Chaari 111 Trailer: వెన్నెల కిషోర్.. కేరాఫ్ కామెడీ అని చెప్పాలి. డిఫరెంట్ మాడ్యులేషన్.. ఫన్నీ ఎక్స్‌ప్రెషన్స్‌తో పాటు మధ్యలో ఇంగ్లీష్ పదాలతో కామెడీని పండించడం వెన్నెల కిషోర్ స్లైల్. ప్రస్తుతం ఈయన హీరోగా 'చారి 111' మూవీ తెరకెక్కుతోంది. తాజాగా ఈ మూవీ ట్రైలర్ విడుదల చేసారు. చారి.. బ్రహ్మచారి.. రుద్రనేత్ర సీక్రెట్ సర్వీస్ ఏజెంట్. సైలెంట్‌గా హ్యాండిల్ చేయాల్సిన కేసును వయలెంట్‌గా హ్యాండిల్ చేయడం చారి నైజం. అతడిని ఏజెంట్ 111 అని  పిలుస్తారు అనే డైలాగుతో హీరో ఇంట్రడక్షన్‌ ఎలా  ఉండబోతుందో ఈ ట్రైలర్‌లో చూపించారు.



COMMERCIAL BREAK
SCROLL TO CONTINUE READING


ఈ ట్రైలర్‌ను ముందుగా సీరియస్‌గా స్టార్ట్ చేసి ఆ తర్వాత కామెడీతో ఎండ్ చేసాడు. 1992లో ఎటువంటి కెమికల్, బయలాజికల్ వెపన్స్ తయారు చేయకూడదని భారత్, పాకిస్థాన్ జాయింట్ అగ్రిమెంట్ మీద సంతకం చేసాయని మురళీ శర్మ చెప్పే డైలాగులతో ఈ సినిమా మొదలవుతోంది. ఈయన రుద్రనేత్ర సీక్రెట్ సర్వీస్ ఏజెన్సీకి ఆయన హెడ్. ఆయన ఏజెన్సీలోనే చారి పని చేస్తుంటాడు. చారి అసిస్టెంట్ పాత్రలో తాగుబోతు రమేష్ కనిపించారు. మూడు రోజుల్లో ఏడు బ్లాస్టులు చేయాలని టెర్రరిస్టులు ప్లాన్ చేస్తారు. వాళ్లను రుద్రనేత్ర సీక్రెట్ సర్వీస్ ఏజెన్సీ ఎలా అడ్డుకుంది? చారి ఏం చేశాడు? మ్యాడ్ సైకో సైంటిస్ట్ ఏం చేశాడు? ఈ జన్మలో నువ్వు ఏజెంట్ కాలేవని చారిని మురళీ శర్మ ఎందుకు తిట్టారు? అనేది తెలియాలంటే ఈ సినిమా చూడాల్సిందే.


ఈ ట్రైలర్‌లో వెన్నెల కిషోర్ మార్క్ కనపడింది.'బాండ్... జేమ్స్ బాండ్' టైపులో తనను తాను 'చారి... బ్రహ్మచారి' అని పరిచయం చేసుకునే సీన్స్ ఫన్నీగా ఉన్నాయి. ఒక సీరియస్ ఆపరేషన్‌ను చారి కామెడీగా ఎలా మార్చేస్తాడు. ఆ తర్వాత  ఏమైందనేది సినిమలో చూడాల్సిందే.


'వెన్నెల' కిశోర్ హీరోగా నటించిన 'చారి 111'లో సంయుక్తా విశ్వనాథన్ కథానాయికగా నటించింది.  టీజీ కీర్తి కుమార్ డైరెక్ట్ చేశారు. సుమంత్ హీరోగా 'మళ్ళీ మొదలైంది' వంటి ఫీల్ గుడ్ ఎంటర్‌టైనర్ తీసిన తర్వాత ఆయన దర్శకత్వంలో తెరకెక్కిన చిత్రమిది. బర్కత్ స్టూడియోస్ పతాకంపై అదితి సోనీ ఈ సినిమాను ప్రొడ్యూస్ చేశారు. మురళీ శర్మ మరో లీడ్ రోల్లో యాక్ట్ చేశారు. మార్చి 1న థియేటర్లలో ఈ సినిమా రిలీజ్ చేస్తున్నట్టు ప్రకటించారు. మరి ఈ సినిమాతో వెన్నెల కిషోర్ హీరోగా సక్సెస్ అందుకుంటాడా లేదా అనేది చూడాలి.


Also read: Qatar government: ఆ 8 మందికి క్షమాభిక్ష, విడుదల చేసిన ఖతార్ దేశం



స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.     


Android Link - https://play.google.com/store/apps/details?id=com.indiadotcom.zeetelugu     


Apple Link - https://apps.apple.com/in/app/zee-telugu-news/id1633190712


మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook