Family Star: ఫ్యామిలీ స్టార్ రిలీజ్ డేట్ కి.. రష్మిక కి ఉన్న లింక్... అసలు విషయం చెప్పిన విజయ్

Rashmika in Family Star: టాలీవుడ్ యంగ్ సెన్సేషన్ విజయ్ దేవరకొండ హీరోగా పరశురామ్ దర్శకత్వంలో నటించిన సినిమా ఫ్యామిలీ స్టార్. ఈమధ్య తెలుగు ప్రేక్షకులను బాగా ఆకట్టుకుంటున్న మృణాల్ ఠాకూర్ ఈ సినిమాలో హీరోయిన్ గా నటించింది. టీజర్, ట్రైలర్లతోనే బాగా ఆకట్టుకున్న ఈ చిత్రం మంచి అంచనాల మధ్య ఈవారం విడుదల కి సిద్ధం అయింది.

వేసవి కానుకగా ఈ చిత్రం ఏప్రిల్ 5వ తేదీన థియేటర్లలో విడుదల కాబోతోంది. ప్రస్తుతం చిత్ర బృందం సినిమా ప్రమోషన్స్ తో బిజీగా ఉంది. ఇప్పటికే సినిమా నుంచి విడుదలైన మూడు పాటలు ప్రేక్షకుల నుంచి మంచి ఆదరణ అందుకున్నాయి. విజయ్ దేవరకొండ కూడా పలు ప్రమోషనల్ ఇంటర్వ్యూలలో కనిపిస్తూ సినిమాకి సంబంధించిన ఆసక్తికరమైన వివరాలు చెబుతున్నారు.  

ఈసారి ఎలాగైనా విజయ్ దేవరకొండ బ్లాక్ బస్టర్ అందుకుంటారు అని అభిమానులు కూడా కాన్ఫిడెంట్ గా ఉన్నారు. విజయ్ దేవరకొండ రష్మిక మందన్న మధ్య సీక్రెట్ గా లవ్ అఫైర్ నడుస్తుంది అని ఎప్పటినుంచో పుకార్లు వినిపిస్తున్న సంగతి తెలిసిందే. కానీ ఇప్పటిదాకా వారు మాత్రం ఈ వార్తల్లో నిజం ఉందని క్లారిటీ ఇవ్వలేదు. 

తాజాగా చిత్ర ప్రమోషన్స్ లో భాగంగా విజయ్ దేవరకొండ కొంతమంది ఫేమస్ యూట్యూబర్లతో కలిసి ఒక ఫన్నీ చిట్ చాట్ లో పాల్గొన్నారు. ఇందులో భాగంగా మాట్లాడుతూ విజయ్ దేవరకొండ ఏప్రిల్ 5న ఫ్యామిలీ స్టార్ రిలీజ్ కాకుండా ఇంకేమైనా స్పెషల్ ఉందా అని ఒకరు అడగగా విజయ్ దేవరకొండ చాలా హాలిడేస్ ఉన్నాయి అని చెప్పి నవ్వేశారు.

కాదు ఇంకొక కోయిన్సిడెన్స్ ఉంది, ఆ రోజు రష్మిక బర్త్ డే కూడా అని ఒకరు అడగగా అవును ఆరోజు రష్మిక బర్త్డే కూడా. అది మాకు లక్కీ అవుతుంది అనుకుంటున్నాను అని అన్నారు విజయ్. 
ఇక ఈ సినిమాలో రష్మిక ఒక పాటలో కనిపిస్తుంది అని వార్తలు వినిపిస్తున్నాయి కానీ అధికారిక ప్రకటన మాత్రం ఇంకా వెలువడాల్సిందే. గోపి సుందర్ సంగీతాన్ని అందిస్తున్న ఈ సినిమాని శ్రీ వేంకటేశ్వర క్రియేషన్స్ పతాకంపై దిల్ రాజు, శిరీష్ నిర్మిస్తున్నారు.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.