Gaami Movie 1st Week WW Box Office Collections: `గామి` మూవీ ఫస్ట్ వీక్ వరల్డ్ వైడ్ బాక్సాఫీస్ కలెక్షన్స్.. హిట్ స్టేటస్‌కు ఎంత దూరంలో ఉందంటే..

Gaami Movie 1st Week Box Office Collections: టాలీవుడ్ మాస్ కా దాస్ విశ్వక్‌సేన్  ముఖ్యపాత్రలో నటించిన మూవీ 'గామి. చాందిని చౌదరి మరో లీడ్‌ రోల్లో నటించింది. విద్యాధర్ కాగిత దర్శకత్వంలో తెరకెక్కిన మూవీలో విశ్వక్‌సేన్ అఘోర క్యారెక్టర్‌లో మెప్పించాడు. మనుషుల స్పర్శను తట్టుకోలేని శంకర్ అనే అఘోర పాత్రలో విశ్వక్ సేన్ తన నటనతో అట్రాక్ట్ చేసాడు. రెగ్యులర్‌గా వచ్చే సినిమాలకు భిన్నంగా తెరకెక్కిన ఈ సినిమాకు ప్రేక్షకులు కాసుల వర్షం కురిపిస్తున్నారు. మొత్తంగా విడుదలైన రోజు నుంచే ఈ సినిమాకు పాజిటివ్ టాక్ ప్లస్‌గా మారింది. మొత్తంగా ఈ సినిమాలో ఆధ్యాత్మికతతో పాటు సైన్స్, మూఢ నమ్మకాల సమ్మిళతంగా ఈ చిత్రాన్ని విద్యాధర్ కాగిత తెరకెక్కించాడు. మరోవైపు ఈ సినిమాకు నిర్మాణ విలువలు, గ్రాఫిక్స్ వర్క్స్ అదనపు ఆకర్షణగా నిలిచాయి. మరోవైపు ఈ సినిమాకు పోటీగా విడుదలైన చిత్రాలు పెద్దగా ఏమి లేకపోవడం ఈ సినిమాకు అనుకూలంగా మారాయి.

ఈ సినిమా నిన్నటితో ఫస్ట్ వీక్ పూర్తి చేసుకుంది. ఈ సినిమా తెలంగాణ, ఆంధ్ర ప్రదేశ్ కలిపి రూ. 7.42 కోట్ల షేర్ (రూ. 13.10 కోట్ల గ్రాస్) వసూళ్లను రాబట్టాయి. ప్రపంచ వ్యాప్తంగా రూ. 10.51 కోట్ల షేర్ (రూ. 20.05 కోట్ల గ్రాస్) వసూళ్లను రాబట్టినట్టు ట్రేడ్ వర్గాలు చెబుతున్నాయి.   ఈ సినిమా ప్రపంచ వ్యాప్తంగా రూ. 10.20 కోట్ల ప్రీ రిలీజ్ బిజినెస్ చేసింది. రూ. 11 కోట్ల బ్రేక్ ఈవెన్ టార్గెట్‌తో బరిలో దిగింది. ఇప్పటికే బిజినెస్ టార్గెట్ పూర్తి చేసుకున్న ఈ సినిమా.. క్లీన్ హిట్‌గా నిలవాలంటే మరో రూ. 50 లక్షల షేర్ అందుకుంటే సరిపోతుంది. ఈ వీకెండ్ వరకు ఈ సినిమా బ్రేక్ ఈవెన్ పూర్తి చేసుకునే అవకాశాలున్నాయి.

ఈ సినిమా ఏరియా వైజ్ ప్రీ రిలీజ్ బిజినెస్ విషయానికొస్తే..

తెలంగాణ (నైజాం).. రూ. 3.50 కోట్లు..
రాయలసీమ (సీడెడ్).. రూ. 1.2 కోట్లు..
ఆంధ్ర ప్రదేశ్ .. రూ. 3.50 కోట్లు..
తెలంగాణ + ఆంధ్ర ప్రదేశ్ కలిపి రూ. 8.20 కోట్లు
కర్ణాటక + రెస్ట్ ఆఫ్ భారత్ కలిపి రూ. 2 కోట్లు..
టోటల్ వరల్డ్ వైడ్ ప్రీ రిలీజ్ బిజినెస్ రూ. 10.20 కోట్లు..

విశ్వక్ సేన్ లాస్ట్ మూవీ 'దమ్కీ' మూవీ మంచి బిజినెస్ చేసింది. తాజాగా విడుదలైన 'గామి' సినిమా కూడా అదే రేంజ్ ప్రీ రిలీజ్ థియేట్రికల్ బిజినెస్ చేయడం విశేషం. సినిమాకు పాజిటివ్ టాక్ రావడంతో గామి బాక్సాఫీస్ దగ్గర స్టడీ వసూళ్లనే రాబడుతోంది. మొత్తంగా టెన్త్, ఇంటర్ విద్యార్ధుల పరీక్షలు ఉన్న ఈ సినిమాకు ఈ రేంజ్ వసూళ్లను రాబట్టడం మాములు విషయం కాదనే చెబుతన్నారు.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.