ఈ కథ మన చుట్టూ ఉన్న ఒక చీకటి నిజం గురించి..

భారతదేశంలో ప్రస్తుతం ఆడపిల్లలపై రోజురోజుకీ అఘాయిత్యాలు పెరిగిపోతున్నాయి. 'ఎక్కడ చూసిన ఆడపిల్లలకు రక్షణ లేకుండా పోయింది' అనే మాట వినిపిస్తోంది. ఏటా దేశంలో ప్రతి ఎనిమిది నిమిషాలకు ఓ ఆడపిల్ల అపహరణకు గురవుతోంది. వారంతా ఏమైపోతున్నారు? వారికి ఏం జరుగుతోంది? వంటి విషయాలను ‘అమోలి వెలకట్టలేనిది’ అనే లఘుచిత్రంలో కళ్లకు కట్టినట్లు చూపించారు.

ఈ లఘుచిత్రానికి తెలుగులో నేచురల్‌ స్టార్‌ నాని వాయిస్ ఓవర్ ఇచ్చారు. ‘నన్ను కూరగాయల్ని అమ్మినట్లు అమ్మేశారు. మా పిన్ని నన్ను ఓ బ్రోకర్‌కు అమ్మేసింది’ అంటూ ఆడపిల్లలు తమ బాధల్ని చెప్పుకుంటూ బాధపడుతున్న దృశ్యాలను చూస్తే హృదయం ద్రవించక మానదు. 28 నిమిషాల నిడివి ఉన్న ఈ లఘుచిత్రానికి హిందీలో రాజ్‌కుమార్‌ రావ్‌, ఇంగ్లీష్ లో విద్యా బాలన్‌, తమిళంలో కమల్‌ హాసన్‌ వాయిస్ ఓవర్‌ ఇచ్చారు.