వరల్డ్ మ్యూజిక్ డే సందర్భంగా `దేవీశ్రీప్రసాద్` వీడియో వైరల్

వరల్డ్ మ్యూజిక్ డే సందర్భంగా టాలీవుడ్ సంగీత దర్శకుడు దేవీ శ్రీ ప్రసాద్ రూపొందించిన వీడియో ఒకటి సోషల్ మీడియాలో హల్చల్ చేస్తోంది. ఈ వీడియో ద్వారా సంగీతం ప్రతీ చోటా, ప్రతీ వస్తువులో ఉంటుందని ఆయన తెలిపారు. అమెరికాకి వెళ్లి సంగీత ప్రదర్శన ఇచ్చే సమయంలో దేవీశ్రీప్రసాద్ టీమ్ అందరూ తమ వద్ద ఉన్న అది సాధారణమైన వస్తువులతోటే సంగీతం పుట్టించి అందరినీ ఆశ్చర్య చకితుల్ని చేశారు.

ఆ ఈవెంట్ ప్రాక్టీస్ వీడియోని దేవీశ్రీప్రసాద్ షేర్ చేశారు. బల్లలు, కుర్చీలు, బాక్సులు, డబ్బాలు, రాడ్స్ ఉపయోగించి తన టీమ్‌తో దేవీశ్రీప్రసాద్
ప్రాక్టీస్ చేస్తూ అద్భుతమైన మ్యూజిక్‌తో ప్రేక్షకులను ఆకట్టుకున్నారు. ప్రస్తుతం అనేకమంది నెటిజన్లు కూడా ఈ వీడియోకి ఫిదా అయ్యారు. లెక్కలేనన్ని షేర్లు, లైకులు కొట్టి తమ అభిమానాన్ని చాటుకున్నారు. డీఎస్‌‌పీ మ్యూజిక్ మాయలో పడిపోయారు. 

దేవీశ్రీప్రసాద్ ఇటీవలే "భరత్ అనే నేను", "రంగస్థలం" చిత్రాలకు సంగీత దర్శకత్వం వహించారు. ప్రస్తుతం "హలో గురూ ప్రేమకోసమే" అనే మరో చిత్రానికి కూడా బాణీలు సమకూరుస్తున్నారు. అలాగే విక్రమ్ నటిస్తున్న "సామి స్క్వేర్" అనే తమిళ చిత్రానికి కూడా సంగీత దర్శకత్వం వహిస్తున్నారు.