నంద‌మూరి క‌ళ్యాణ్ రామ్, మెహరీన్‌ హీరోహీరోయిన్లుగా వస్తోన్న తాజా సినిమా  ‘ఎంత మంచివాడవురా!’. ఆదిత్య మ్యూజిక్ ఇండియా ప్రైవేట్ లిమిటెడ్ బ్యానర్‌పై వస్తోన్న ఈ ఫ్యామిలీ ఎంటర్‌టైనర్‌ను ఉమేష్ గుప్తా, సుభాష్ గుప్తా నిర్మించగా.. సతీష్‌ వేగేశ్న దర్శకత్వం వహించారు. సంక్రాంతి బరిలో దిగేందుకు ఈనెల 15న విడుదల కానున్న ‘ఎంత మంచివాడవురా!’ సెన్సార్‌ కార్యక్రమాలను సోమవారం పూర్తిచేసుకుంది. ఈ సినిమాకు ఎలాంటి కట్స్‌ లేకుండా, సెన్సార్ బోర్డు క్లీన్ ‘యు’ సర్టిఫికెట్ ఇచ్చింది.


COMMERCIAL BREAK
SCROLL TO CONTINUE READING

ఎంత మంచివాడవురా! సెన్సార్‌ పూర్తయిన సందర్భంగా సతీష్‌ వేగేశ్న మాట్లాడారు. తమ సినిమా సంక్రాంతికి విడుదల కానుందని, ఫ్యామిలీ ఎంటర్‌టైనర్‌గా వస్తోన్న ఈ సినిమాకు సెన్సార్‌ బోర్డు సింగిల్‌ కట్‌ కూడా లేకుండానే క్లీన్‌ యూ సర్టిఫికేట్‌ ఇచ్చినట్లు తెలిపారు. ఫ్యామిలీ ఆడియెన్స్‌ను మూవీ కట్టిపడేస్తుందని చెప్పారు.



కళ్యాణ్‌ రామ్‌కు జోడీగా మెహరీన్‌ నటించింది. విజయ్‌కుమార్‌, శరత్‌బాబు, సుహాసిని, తనికెళ్ల భరణి, రాజీవ్‌ కనకాల, వెన్నెల కిశోర్‌, పవిత్రా లోకేష్‌, ప్రవీణ్‌ ఇతర కీలకపాత్రలు పోషించారు. ఈ సినిమాకు గోపీ సుందర్ సంగీతం అందించారు. కాగా, సంక్రాంతి బరిలో అల వైకుంఠపురంలో, సరిలేరు నీకెవ్వరూ, దర్బార్‌ సినిమాలు ఉన్నాయి.  జీ హిందుస్తాన్ తెలుగు టీవీ లైవ్ లింక్ కోసం ఇక్కడ క్లిక్ చేయండి. Watch Zee Hindustan Telugu live here..