Varun Tej 13: ఎయిర్ ఫోర్స్ ఆఫీసర్ గా వరుణ్ తేజ్.. రియల్ ఇన్సిడెంట్స్ ఆధారంగా మూవీ!

Varun Tej 13 Movie Announced and Pre Look Released: వరుణ్ తేజ్ 13వ సినిమాకు సంబంధించిన అధికారిక ప్రకటన వెలువడింది. వరుణ్ తేజ్ హీరోగా చివరిగా గని అనే సినిమాతో తెలుగు ప్రేక్షకుల ముందుకు వచ్చిన సంగతి గుర్తుండే ఉంటుంది. ఇక ఇప్పుడు ఆయన తన పదమూడో సినిమాలో ఒక ఎయిర్ ఫోర్స్ పైలెట్ గా కనిపించబోతున్నారు. ఈ విషయాన్ని అధికారికంగా ప్రకటించారు. యుద్ధాన్ని ఆకాశంలో చూసేందుకు సంసిద్ధం అవ్వండి త్వరలో టేక్ ఆఫ్ అవుతుంది అంటూ వరుణ్ తేజ్ వెనుక నుంచి యుద్ధ విమానాల వైపు నడుస్తున్న ఒక ప్రీ లుక్ షేర్ చేశారు.

ఈ సినిమాని సోనీ పిక్చర్స్, ఇంటర్నేషనల్ ప్రొడక్షన్స్, రిసైనెన్స్ పిక్చర్స్ సంయుక్తంగా నిర్మిస్తున్నట్లు ఆయన ప్రకటించారు. శక్తి ప్రతాప్ సింగ్ హడా ఈ సినిమాకి దర్శకుడిగా వ్యవహరించబోతున్నారు. ఆయనకి ఇది మొదటి సినిమాగా తెలుస్తోంది. ఇక వరుణ్ తేజ్ నటించేది అభినందన్ వర్ధమాన్ పాత్రలోని సినిమా పాన్ ఇండియా లెవెల్ లో రూపొందే అవకాశం ఉందని ప్రచారం జరిగింది. కానీ సినిమా ప్రకటన మాత్రం తెలుగు హిందీ బై లింగ్యువల్ సినిమాగా రూపొందిస్తున్నట్లు ప్రకటించారు.

బాలాకోట్ ఎయిర్ స్ట్రైక్స్ నేపథ్యంలో అభినందన్ వర్ధమాన్ పాకిస్తాన్ ఆర్మీ చేతికి చిక్కి తరువాత మళ్ళీ భారత్ తిరిగి వచ్చిన సంగతి తెలిసిందే. ఈ సంఘటన నేపథ్యంలోనే సినిమా రూపొందిస్తున్నారని ప్రచారం జరుగుతోంది. సినిమాని తెలుగు హిందీ భాషలలో ఏకకాలంలో రూపొందించి 2023వ సంవత్సరంలో ప్రపంచ వ్యాప్తంగా విడుదల చేయడానికి రంగం సిద్ధం చేస్తున్నారు. ఇక ఈ సినిమా నవంబర్ నుంచి సెట్స్ మీదకు వెళ్లే అవకాశం ఉన్నట్లు ప్రచారం జరుగుతోంది. ఇక దర్శకనిర్మాతల గురించి క్లారిటీ వచ్చింది కానీ సినిమాలో నటీనటులు ఇతర టెక్నీషియన్స్ ఎవరెవరు భాగమవుతున్నారని విషయం మీద ఇంకా క్లారిటీ రాలేదు.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.