Benefits Of Walking: వాకింగ్‌ చేయడం వల్ల ఈ దీర్ఘకాలిక సమస్యలు మాయం..!

Walking Health Benefits: ఆరోగ్యనిపుణుల ప్రకారం రోజుకు సుమారు 10,000 అడుగులు నడవడం వల్ల దాదాపు 400 నుంచి 500 కేలరీలు ఖర్చవుతాయి. అలాగే క్రమం తప్పకుండా నడక అలవాటు చేసుకోవడం వల్ల అనేక అనారోగ్య సమస్యలను దూరం చేసుకోవచ్చని నిపుణులు చెబుతున్నారు. అయితే ఉదయం, మధ్యాహ్న భోజనం తర్వాత లేదా సాయంత్రం నడవడం వల్ల శరీరానికి ఎన్నో ప్రయోజనాలు కలుగుతాయని ఆరోగ్యనిపుణులు చెబుతున్నారు. వాకింగ్ చేయడం వల్ల శరీరానికి ఎలాంటి లాభాలు కలుగుతాయి అనేది  తెలుసుకుందాం. 

వాకింగ్‌ చేయడం వల్ల శరీరం ఆరోగ్యంగా ఉంటుంది. ముఖ్యంగా గుండె నొప్పి, టైప్‌-2 డయాబెటిస్‌, క్యాన్సర్‌, అధిక బరువు సమస్యలు బారిన పడకుండా ఉంటామని వైద్యులు చెబుతున్నారు. అయితే వాకింగ్‌ ఎలా చేయాలి? ఎన్ని అడుగులు వేయాలి అనే సందేహం కలుగుతుంది. వాకింగ్‌ మొదలు పెట్టేవారు ముందు మూడు లేదా నాలుగు వేల అడుగుల నుంచి ప్రారంభించవచ్చని ఆరోగ్యనిపుణులు చెబుతున్నారు. 

వాకింగ్‌ చేయడం వల్ల ఎముకలు దృఢంగా తయారు అవుతాయి. ముఖ్యంగా ఆస్టియోపోరోసిన్‌ వంటి సమస్యలు కూడా తగ్గుతాయి. అంతేకాకుండా ఒత్తిడి, ఆందోళన వంటి సమస్యలు తగ్గుతాయి. నిద్రలేమి సమస్యలు కూడా తగ్గుతాయని నిపుణులు చెబుతున్నారు. నడక మెదడు పనితీరును మెరుగుపరుస్తుంది, జ్ఞాపకశక్తిని పెంచుతుంది. కీళ్ల నొప్పులను తగ్గించడంలో, కీళ్ల కదలికను మెరుగుపరచడంలో సహాయపడుతుంది.

అయితే పదివేల అడుగులు మొదలు పెట్టే ముందు ఇవి పాటించడం చాలా అవసరం. ఖాళీ సమయంలో నడవండి. భోజన తరువాత నడవడం వల్ల జీర్ణవ్యవస్థ మెరుగుపడుతుంది. బాడీ తేలికగా అవుతుంది. లిఫ్ట్‌ ఉపయోగించకుండా మెట్లు ఎక్కడం చాలా మంచిది. ఇలా చేయడం వల్ల కండరాలు దృఢంగా మారుతాయి. కౌంట్‌ కోసం ఆప్స్‌ను ఉపయోగించండి.  

ప్రతిరోజూ వాకింగ్‌ చేయడం వల్ల  సృజనాత్మకత, సమస్య పరిష్కార నైపుణ్యాలను పెంచుతుంది. అలాగే ఆత్మవిశ్వాసాన్ని పెంచుతుంది. సమాజంలో మరింత భాగం కావడానికి ఇది సహాయపడుతుంది.

నడక ప్రారంభించడానికి చిట్కాలు:

చిన్నగా ప్రారంభించండి: 

రోజుకు 10 నిమిషాల నడకతో ప్రారంభించండి, క్రమంగా సమయాన్ని పెంచండి.

ఆనందించే ప్రదేశంలో నడవండి: 

నచ్చిన ప్రదేశంలో నడవడం వల్ల క్రమం తప్పకుండా నడవడానికి ప్రోత్సహిస్తుంది.

స్నేహితులు లేదా కుటుంబ సభ్యుడితో కలిసి నడవండి: 

ఇది మరింత సరదాగా ఉంటుంది. బాధ్యతాయుతంగా ఉండటానికి సహాయపడుతుంది.

మంచి జత షూలు వేసుకోవడం వల్ల గాయాల ప్రమాదాన్ని తగ్గిస్తుంది.

ముఖ్య గమనిక:

మీరు ఏదైనా కొత్త వ్యాయామ పద్ధతిని ప్రారంభించే ముందు వైద్యుడిని సంప్రదించడం ఎల్లప్పుడూ మంచిది.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.