శాంపిల్స్ తీసుకున్న డాక్టర్లు.. యువకుడి దారుణహత్య

పాట్నా: వేరే రాష్ట్రానికి వెళ్లొచ్చిన వ్యక్తి వివరాలు చెప్పడంతో ఆవేశానికి లోనై ఏకంగా హత్యకు పాల్పడ్డారు. ఈ దారుణం బిహార్ రాష్ట్రంలో చోటుచేసుకుంది. పోలీసుల కథనం ప్రకారం.. బిహార్‌లోని మధౌల్ గ్రామానికి చెందిన ఇద్దరు వ్యక్తులు మహారాష్ట్రకు కూలీలుగా వలస వెళ్లారు.  కరోనా వైరస్ వ్యాప్తి చెందడం, దేశంలో 21 రోజులపాటు లాక్‌డౌన్ విధించడం తెలిసిందే. ఈ క్రమంలో ఆ వలసకూలీలు ఇటీవల తమ సొంత ప్రాంతానికి తిరిగొచ్చేశారు.  శుభవార్త.. మళ్లీ తగ్గిన బంగారం ధరలు

మధౌల్ గ్రామానికి చెందిన బబ్లూ ఆ వలస కూలీల సమాచారాన్ని పోలీసులకు చేరవేశాడు. పోలీసుల నుంచి సమాచారం అందుకున్న వైద్యశాఖ అధికారులు వారి నుంచి శాంపిల్స్ తీసుకునేందుకు వెళ్లారు. ఈ క్రమంలో తమ వివరాలను బబ్లూ ఇచ్చాడని వారు పగ పెంచుకున్నారు. మరో నలుగురు వ్యక్తులతో కలిసి బబ్లూపై దాడిచేసి దారుణంగా కొట్టి హత్యచేశారు. పోలీసులు ఆరుగురిపై కేసు నమోదు చేసి దర్యాప్తు ప్రారంభించారు. ఇద్దరు నిందితులను అరెస్ట్ చేసి విచారణ కొనసాగిస్తున్నారు.  ఏపీలో మరో 17 కరోనా కేసులు