Coronavirus updates: 19 వేలకు చేరువలో కరోనా కేసులు, 603కి చేరిన మృతుల సంఖ్య

న్యూ ఢిల్లీ: కరోనా వైరస్ వేగంగా వ్యాపిస్తోంది. దేశంలో గత 24 గంటల్లో కొత్తగా 1,329 మంది కరోనా వైరస్ పాజిటివ్ కేసులను గుర్తించారు. అదే సమయంలో మరో 44  మంది కరోనా కారణంగా మృత్యువాత పడ్డారు. సోమవారం రాత్రి నుంచి మంగళవారం సాయంత్రం వరకు గుర్తించిన పాజిటివ్ కేసులు కలిపి దేశ వ్యాప్తంగా ఇప్పటివరకు కరోనా వైరస్ సోకిన వారి సంఖ్య 18,985 కి చేరిందని కేంద్ర వైద్య ఆరోగ్య శాఖ ప్రకటించినట్టుగా ప్రముఖ న్యూస్ ఏజెన్సీ ఏఎన్ఐ వెల్లడించింది. అందులో 15,122 మంది ప్రస్తుతం దేశవ్యాప్తంగా ఉన్న వివిధ ఆస్పత్రుల్లో చికిత్స పొందుతున్నారు. మరో 3,259 మంది కరోనా నుంచి కోలుకుని ఆస్పత్రి నుంచి డిశ్చార్జ్ అయ్యారు. ఇప్పటివరకు కరోనా వైరస్‌తో మృతి చెందిన వారి మొత్తం సంఖ్య 603కి చేరింది.