Body Heat: వావ్.. శరీరంలోని హీట్ తో కూడా మొబైల్ ఫోన్ చార్జింగ్ చేయోచ్చు... ఆశ్చర్యకర విషయాలను వెల్లడించిన ఐఐటీ పరిశోధకులు..

Use Body Heat To Charge Mobile Phones: ప్రస్తుతం టెక్నాలజీ రంగం దూసుకుపోతుంది. ప్రతిరోజు కొత్త ఆవిష్కరణలు బైటికొస్తున్నాయి. సైంటిస్టులు, కొత్తగా ఇన్నొవేటివ్ గా ఆలోచిస్తున్నారు. ఇదిలా ఉండగా  మనలో చాలా మంది సెల్ ఫోన్ లను ఎక్కువగా ఉపయోగిస్తుంటారు. రెండు మొబైల్ ఫోన్ లను కూడా ఉపయోగించే వారున్నారు. అయితే.. చాలా మంది మొబైల్ ఫోన్ చార్జింగ్ సమస్యతో బాధపడుతుంటారు. ముందు జాగ్రత్తగా పవర్ బ్యాంక్ లను కూడా పెట్టుకుంటారు.

అయితే.. ఐఐటీ మండి పరిశోధకులు శరీరంలోని వేడిని సమర్థవంతంగా విద్యుత్‌గా మార్చే పదార్థాలను రూపొందించారు. ఈ సంచలనాత్మక అధ్యయనం పునరుత్పాదక ఇంధన రంగంలో మరో ఆవిష్కరణగా భావిస్తున్నారు. వీటిని ఉపయోగించిన  వివిధ రకాల అనువర్తనాల్లో మరింత మార్పులకు అవకాశం ఉంది. థర్మోన్యూక్లియర్ మెటీరియల్ గురించి ఐఐటీ ఇన్స్టిట్యూట్ గత సంవత్సరం జూన్‌లో ప్రకటన చేసింది. కానీ అది ఇప్పుడు జర్మనీ శాస్త్రీయ పత్రికలో ప్రచురించబడింది. 

ఐఐటీ మండి స్కూల్ ఆఫ్ ఫిజికల్ సైన్సెస్‌లో అసోసియేట్ ప్రొఫెసర్ డాక్టర్ అజయ్ సోనీ దీనికి నాయకత్వం వహించారు. అతను థర్మోఎలెక్ట్రిక్ జనరేటర్ ఎలా పనిచేస్తుందో వివరిస్తూ గత వారం Xలో ఒక పోస్ట్‌ను పంచుకున్నాడు. @angew_chemలో ప్రచురించబడిన థర్మోఎలెక్ట్రిక్ ఎఫెక్ట్‌లతో కూడిన ఫ్లెక్సిబుల్ థర్మోఎలెక్ట్రిక్ జనరేటర్,  హ్యూమన్ టచ్ సెన్సార్‌పై మా ఇటీవలి పని యొక్క చివరి వెర్షన్ ఇక్కడ ఉంది. ఆసక్తికరమైన నానో మెటీరియల్స్,  ఫలితమని డాక్టర్ సోనీ పోస్ట్‌లో తెలిపారు.

అధ్యయనం ప్రకారం, వీరు రూపొందిచిన పరికరం మానవ స్పర్శతో మాత్రమే ఛార్జింగ్ ప్రారంభమవుతుంది. ఇది దాదాపు ఏదైనా ఎలక్ట్రానిక్ గాడ్జెట్‌ను ఛార్జ్ చేయగలదు. పరిశోధనా బృందం సిల్వర్ టెల్లరైడ్ నానోవైర్ నుండి థర్మోఎలెక్ట్రిక్ మాడ్యూల్‌ను సృష్టించింది. పరికరం మానవ స్పర్శపై గణనీయమైన అవుట్‌పుట్ వోల్టేజ్‌ను అందించడం ప్రారంభిస్తుందని ప్రయోగ పూర్వకంగా వారు చూపించారు. "తక్కువ పవర్ ఫ్లెక్సిబుల్ ఎలక్ట్రానిక్ పరికరాలను ఛార్జ్ చేయడం ఇకపై సమస్య కాదు. ఈ పరికరాలు మానవ శరీరంలోని వేడికి ఛార్జ్ అవుతాయి. దీని కోసం మేము థర్మోఎలెక్ట్రిక్ మాడ్యూల్‌ను అభివృద్ధి చేసామని డాక్టర్ సోనీ ఆవిష్కరణ గురించి చెప్పారు.

థర్మోఎలెక్ట్రిసిటీ అంటే ఏమిటి?

సైన్స్ డైరెక్ట్ ప్రకారం, ఇది రెండు సంబంధిత యంత్రాంగాల ద్వారా వేడిని విద్యుత్తుగా లేదా విద్యుత్తును వేడిగా నేరుగా మార్చే ప్రక్రియను థర్మోఎలెక్ట్రిసిటీ అని పిలుస్తారు.

థర్మోఎలెక్ట్రిక్ ప్రభావం యొక్క మొదటి భాగం - వేడిని విద్యుత్తుగా మార్చడం - 1821లో ఎస్టోనియన్ భౌతిక శాస్త్రవేత్త థామస్ సీబెక్చే చే కనుగొనబడింది.  ఫ్రెంచ్ భౌతిక శాస్త్రవేత్త జీన్ పెల్టియర్చే మరింత వివరంగా అన్వేషించబడింది.  దీనిని కొన్నిసార్లు పెల్టియర్-సీబెక్ ప్రభావంగా సూచిస్తారు.