బ్రేకింగ్: 12 గంటల్లో 131 కరోనా పాజిటివ్ కొత్త కేసులు

కరోనా వైరస్ వేగంగా విస్తరిస్తోంది. భారత దేశంలోనూ  క్రమక్రమంగా పెరుగుతున్న కేసుల సంఖ్య ఆందోళనకు గురి చేస్తోంది. కేంద్ర వైద్య ఆరోగ్య శాఖ విడుదల చేసిన తాజా గణాంకాలు మరింత ఆందోళన కలిగిస్తున్నాయి.

కేంద్ర వైద్య ఆరోగ్య శాఖ లెక్కల ప్రకారం గడచిన 12 గంటల్లో ఏకంగా 131 కరోనా వైరస్ పాజిటివ్ కేసులు పెరిగాయి. దీంతో దేశంలో కరోనా వైరస్ కేసుల సంఖ్య 1965కు చేరింది. అంటే దాదాపు 2 వేలకు చాలా దగ్గర్లో ఉందన్నమాట. వీటిలో 1764 పాజిటివ్ కేసులు కాగా.. ఇప్పటి వరకు 151 మంది చికిత్స తీసుకుని బయటపడ్డారు. దేశంలోని ప్రత్యేక ఐసోలేషన్ కేంద్రాల నుంచి వారు విడుదలయ్యారు. మరోవైపు భారత దేశంలో కరోనా వైరస్ మృతుల సంఖ్య 50కి చేరింది.