ఇవాంక ట్రంప్ ప్రసంగ విశేషాలు
పురుషాధిక్య సమాజంలో తిరుగులేని సత్తా చాటాలంటే మహిళలు మరింత రాణించాలని తెలుసుకున్నా. ఏ దేశ ఆర్థిక బలమైనా పెంచుకోవాలంటే.. మహిళా వికాసం అత్యంత ముఖ్యం.
ఈ రోజు జరిగిన "ప్రపంచ పారిశ్రామికవేత్తల సదస్సు"లో అమెరికా సలహాదారు మరియు అమెరికా అధ్యక్షుడి కుమార్తె ఇవాంకా ట్రంప్ కీలక ప్రసంగం చేశారు. ఆ ప్రసంగంలోని ముఖ్య విషయాలు
70వ స్వాతంత్ర్య దినోత్సవం జరుపుకుంటున్నందుకు భారతీయ పౌరులకు శుభాకాంక్షలు. భారతీయ డాక్టర్లు, ఇంజినీర్లు ఎంతో సాధించారు. భారతీయ శాస్త్రవేత్తలు చంద్రుడి మీదకు వెళ్లి తామేంటో నిరూపించారు. శాస్త్రపురోగతిలో రాణించారు.
మార్పు అంటే ఏమిటో మోడీ నిరూపించారు. ఆయనో గొప్ప నాయకుడు.
టీహబ్ ఆసియాలోనే అతిపెద్ద ఇన్ క్యుబేటరుగా ఘనతకెక్కుతుంది. యువ వ్యాపారవేత్తలు కొత్త విప్లవాన్ని తీసుకొస్తున్నారు. అహర్నిశలు శ్రమిస్తున్నారు. రాత్రిళ్లు, పగలు తేడా లేకుండా కష్టపడుతున్నారు. మీరు మీ భవిష్యత్తును నిర్మించుకొనే దిశగా ప్రయాణిస్తున్నారు.
1500 వ్యాపారవేత్తల్లో మహిళల శాతం ఎక్కువగా ఉండడం ఆనందదాయకం. పురుషాధిక్య సమాజంలో తమవంతు పాత్ర పోషించాలంటే మహిళలు మరింత రాణించాలని తెలుసుకున్నా. ఏ దేశ ఆర్థిక బలమైనా పుంజుకోవాలంటే.. మహిళా వికాసం అత్యంత ముఖ్యం. అమెరికా దాదాపు 500 మిలియన్ డాలర్లు ప్రతీ యేటా మహిళా వికాసానికి ఖర్చుపెడుతోంది.
ఒక యువతి లేక యువకుడు పారిశ్రామికవేత్తగా రాణించాలంటే.. వారికి ప్రొఫెషనల్ గైడెన్స్ అవసరం. జీఈ సదస్సులో 52 శాతానికి పైగా మహిళలు పాల్గొనడం విశేషం
ప్రపంచవ్యాప్తంగా కోటి 10 లక్షలమంది మహిళా శాస్త్రవేత్తలు ఉన్నారు.
హైదరాబాద్‌ని ముత్యాల నగరంగా కూడా భావిస్తారని విన్నాను. ఆ రంగంలో కూడా మహిళలు తమదైన పాత్ర పోషించడం విశేషం. నేడు గ్రామీణ మహిళలు కూడా భారతదేశంలో వ్యాపారవేత్తలుగా రాణించడం ఎంతో గొప్ప విషయం. భారతదేశంలో వికాసం మహిళలు లేకుండా సాధ్యమని మోడీ నమ్మినందుకు ఆయనకు నా అభినందనలు.