దిగొచ్చిన గ్యాస్ బండ ధర

గ్యాస్  బండ భారం తగ్గనుంది. ఈ రోజు  నుంచి పెద్ద ఎత్తున ధరల్లో  తగ్గుదల నమోదైంది. చమురు కంపెనీలు గ్యాస్ బండ ధరను 65 రూపాయల మేర తగ్గించాయి. దీంతో గ్యాస్ సిలిండర్  ధరలో  భారీ  తగ్గుదల  కనిపించింది.

ఎల్పీజీ వినియోగదారులకు ఊరటనిచ్చే తీపి కబురు మోసుకొచ్చాయి చమురు కంపెనీలు. నేటి నుంచి గ్యాస్ సిలిండర్ ధర 65  రూపాయలు తగ్గించాయి. దీంతో ఢిల్లీలో సబ్సిడీ సిలిండర్ ధర 744 రూపాయలుగా ఉంది. మంబైలో 714  రూపాయలు వసూలు చేస్తారు. అటు కోల్ కతాలో గ్యాస్ సిలిండర్ ధర 774 రూపాయలకు చేరింది. చెన్నైలో ఎల్పీజీ సిలిండర్ ధర 761 రూపాయలుగా ఉంది.

మార్చి తొలి వారంలో సబ్సిడీ సిలిండర్ ధర 53 రూపాయలు  తగ్గించారు. ఇప్పుడు  అంతర్జాతీయంగా క్రూడ్ ఆయిల్  ధరలు మరింత తగ్గడంతో మరో 65 రూపాయల మేర తగ్గించడం విశేషం. దీంతో సామాన్య ప్రజలకు గ్యాస్ ధర భారం మెల్లమెల్లగా దిగుతోంది.