MP CM రాజీనామా.. బీజేపీ ప్రభుత్వాన్ని ఏర్పాటు చేయబోతోందా?

భోపాల్: దేశంలో బీజేపీ రాజకీయ విలువలను మంటగలుపుతుందని, రాష్ట్రంలో మాఫియాను అరికట్టడం ఇష్టం లేదని,  రాష్ట్ర ప్రజలు తమను పరిపాలించడానికి ఐదేళ్లు అవకాశమిచ్చారని కానీ అధికారం చేపట్టిన నాటి నుండి ఎన్నో రకాలుగా ఇబ్బందులు పెడుతూనే ఉందన్నారు. అయితే కాసేపటి క్రితం మీడియాతో మాట్లాడుతూ.. బీజేపీకి పదిహేనేళ్ళు అవకాశమిచ్చారని, వాళ్ల్లు చేయలేనిది తాము 15 నెలల్లోనే చేసి చూపించామని ఇది చూసి ఓర్వలేకపోతున్నారని మండిపడ్డారు. కాంగ్రెస్ పార్టీకి చెందిన 22 మంది శాసన సభ్యులను డబ్బులతో కొనుగోలు చేసి బెంగళూరుకు తరలించారని అన్నారు. కాగా శాసన సభలో మధ్యాహ్నం బలపరీక్ష జరగనున్న నేపథ్యంలో తాను రాజీనామా చేయనున్నట్లు మీడియా సమావేశంలో ప్రకటించారు.  

అంతకుముందు కమల్ నాధ్ సర్కార్ బలపరీక్షకు ఆదేశించాలంటూ సుప్రీంకోర్టులో పిటిషన్ వేసిన 16మంది ఎంఎల్ఎల రాజీనామాలను స్పీకర్ ప్రజాపతి ఆమోదించారు. దీంతో కోర్టు ఆదేశాలతో బలపరీక్ష జరగకముందే కాంగ్రెస్ పతనం అనివార్యంగా కనిపించింది. కమల్ నాథ్ ప్రభుత్వానికి శుక్రవారం సాయంత్రం 5గంటల వరకు బలం నిరూపించుకోవాలని సుప్రీం ఆదేశించిన విషయం తెలిసిందే.