కాంగ్రెస్ పార్టీ 60వ అధ్యక్షుడు రాహుల్ గాంధీ

కాంగ్రెస్ పార్టీ నూతన అధ్యక్షుడుగా రాహుల్ గాంధీ.. సోనియా గాంధీ నుండి బాధ్యతలు స్వీకరించారు. ఏఐసీసీ ప్రధాన కార్యాలయంలో అట్టహాసంగా జరిగిన కార్యక్రమంలో రాహుల్.. పార్టీ అధ్యక్షుడిగా ప్రమాణస్వీకారం చేశారు. ఈ కార్యక్రమానికి తల్లి సోనియా గాంధీతో పాటు మాజీ ప్రధాని మన్మోహన్ సింగ్ హాజరయ్యారు. ప్రమాణస్వీకారోత్సవ కార్యక్రమానికి చెల్లెలు ప్రియాంకా గాంధీ, ఆమె భర్త రాబర్ట్ వాద్రా , కాంగ్రెస్ పార్టీ ముఖ్యనేతలు, సీనియర్ నాయకులు హాజరయ్యారు.

మరోవైపు ఏఐసీసీ ప్రధాన కార్యాలయం బయట పెద్ద సంఖ్యలో కాంగ్రెస్ కార్యకర్తలు వచ్చారు. రాహుల్ ప్రమాణ స్వీకారం చేశాక బాణా సంచా కాలుస్తూ..  మిఠాయిలు పంచారు. కార్యకర్తల సంబరాలతో ఆ ప్రాంతమంతా కోలాహలంగా మారింది.