ముస్లిం యువకుడితో యువతి స్నేహం.. నరకం చూపించిన పోలీసుల సస్పెన్షన్

హిందూ యువతివి అయి ఉండి, మరో ముస్లిం యువకుడితో స్నేహం చేస్తావా అంటూ మీరట్ పోలీసులు రెచ్చిపోయారు. ముస్లిం యువకుడితో ఎందుకు స్నేహం చేశావని దూషిస్తూ ఓ యువతిని వాహనంలో తిప్పుతూ హింసించారు. బాధితురాలిపై దుర్భాషలాడటమే కాకుండా ఆమెపై చేయి కూడా చేసుకున్నారు. ఉత్తర్ ప్రదేశ్‌లోని మీరట్‌లో ఇటీవల చోటుచేసుకున్న ఈ ఘటనకు సంబంధించిన ఒక వీడియో సోషల్ మీడియాలో వైరల్ అయింది. ఈ వీడియో వైరల్ అవడంతో ఉత్తర్ ప్రదేశ్ సర్కార్ ఈ ఘటనకు బాధ్యులైన ముగ్గురు పోలీసులను సస్పెండ్ చేస్తూ ఆదేశాలు జారీచేసింది. సస్పెండ్ అయిన వారిలో యువతిని వేధించిన ఓ మహిళా కానిస్టేబుల్ కూడా ఉన్నారు.

సోషల్ మీడియాలో వైరల్ అయిన వీడియో ఇదే. ఈ వీడియో ఆధారంగానే పోలీసు ఉన్నతాధికారులు పోలీసు సిబ్బందిపై చర్యలు తీసుకుంటూ ఆదేశాలు జారీచేశారు.