Palak Pappu Recipe: టేస్టీ టేస్టీ శనగ పిండి పాలకూర పప్పు రెసిపీ మీ కోసం!

Palak Pappu Recipe In Telugu: పాలకూర ఎన్నో పోషకాలు కలిగిన ఒక ఆకుకూర.. ఇందులో శరీరానికి కావాల్సిన విటమిన్స్‌, మినరల్స్‌, ఫైబర్‌ అధిక పరిమాణంలో లభిస్తాయి. అంతేకాకుండా ఈ ఆకు కూరలో ఖనిజాలు, యాంటీఆక్సిడెంట్ల కూడా లభిస్తాయి. పాలకూరలో విటమిన్ ఎ, విటమిన్ సి, విటమిన్ కె, ఐరన్‌తో పాటు కాల్షియం, మెగ్నీషియం, పొటాషియం వంటి పోషకాలు పుష్కలంగా ఉంటాయి. కాబట్టి దీనిని క్రమం తప్పకుండా ఆహారంలో తీసుకోవడం వల్ల శరీరంలోని రోగనిరోధక శక్తి పెరుగుతుంది. అంతేకాకుండా ఎముక ఆరోగ్యం కూడా మెరుగుపడుతుంది. దీంతో పాటు గుండె ఆరోగ్య కూడా మెరుగుపడుతుంది. అలాగే ఈ పాల కూరలో ఐరన్‌ అధికంగా లభిస్తుంది. కాబట్టి రక్తహీనతను నివారించేందుకు కూడా ఎంతగానో సహాయపడుతుంది. పాల కూరాతో తయారు చేసిన పప్పు అంటే చాలా మంది ఎంతో ఇష్టంగా తింటూ ఉంటారు. అయితే పాల కూర పప్పు అంటే ఇష్టంగా తినేవారి కోసం పాల కూర పప్పు కొత్త పద్దతిలో తయారు చేయడం ఎలాగో ఇప్పుడు తెలుసుకుందాం. 

పాలకూర పప్పు రెసిపీకి కావాల్సిన పదార్థాలు:
1 కప్పు తురిమిన పాలకూర
1/2 కప్పు తురిమిన ఉల్లిపాయ
1 టేబుల్ స్పూన్ నూనె
1 టీస్పూన్ శనగపిండి
1/2 టీస్పూన్ అల్లం వెల్లుల్లి పేస్ట్
1/2 టీస్పూన్ జీలకర్ర పొడి
1/4 టీస్పూన్ ధనియాల పొడి
1/4 టీస్పూన్ కారం పొడి
1/4 టీస్పూన్ గరం మసాలా
ఉప్పు రుచికి సరిపడా
1/2 కప్పు పెరుగు 

తయారీ విధానం:
ఈ పాల కూర పప్పు రెసిపీని తయారు చేయడానికి ముందుగా స్టౌవ్‌ వెలిగించి ఓ బౌల్‌ పెట్టుకోవాలి.
అందులోనే నూనెను వేసుకుని అంతులో శనగపిండి వేసి వేయించాలి.
శనగపిండి బంగారు గోధుమ రంగులోకి వచ్చిన తర్వాత, అందులో ఉల్లిపాయ వేసి వేయించాలి.
ఉల్లిపాయ వేయించిన తర్వాత, అందులో అల్లం వెల్లుల్లి పేస్ట్ వేసి వేయించాలి.

Also Read 2024 Bajaj Pulsar N250: మార్కెట్‌లోకి కొత్త పల్సర్ N250 వచ్చేసింది.. ఫీచర్స్‌, స్పెషిఫికేషన్స్‌ ఇవే!
అల్లం వెల్లుల్లి పేస్ట్ పచ్చి వాసన పోయిన తర్వాత, అందులో జీలకర్ర పొడి, ధనియాల పొడి, కారం పొడి, గరం మసాలా వేసి వేయించాలి.
మసాలాలు వేయించిన తర్వాత, అందులో పాలకూర వేసి బాగా కలపాలి.
పాలకూర కొద్దిగా ఉడికిన తర్వాత అందులో ఉప్పు వేసి కలపాలి.
పాలకూర బాగా ఉడికిన తర్వాత, అందులో కావాల్సినంత పెరుగు వేసి కలపాలి.
పాలకూర శనగ పిండి బాగా మెత్తగా ఉడికిన తర్వాత, స్టవ్ ఆఫ్ చేసి, వేడిగా అన్నంతో పాటు వడ్డించాలి.

చిట్కాలు:
పాలకూర పప్పులో కొత్తిమీర, పచ్చిమిరపకాయలు కూడా వేసి కలపవచ్చు.
పాలకూర పప్పును మరింత రుచిగా ఉండడానికి అందులో ఒక టీస్పూన్ నిమ్మరసం కూడా వేసి కలపవచ్చు.
పప్పుకు బదులుగా పిండిని వినియోగించాం, కాబట్టి మీరు పప్పును కూడా వినియోగించవచ్చు. 

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.