Vitamin P: విటమిన్ P గురించి విన్నారా.. అయితే ఇది శరీరానికి ఎలా సహాయపడుతుందో తెలుసా!

Benefits Of Vitamin P: విటమిన్లు మన శరీరానికి అవసరమైన ముఖ్యమైన పోషకాలు. వీటిలో కొన్నింటి గురించి మనకు బాగా తెలుసు, మరికొన్నింటి గురించి తెలియకపోవచ్చు. అలాంటిదే విటమిన్ P. A, B, C, D, E లాంటి విటమిన్ల మాదిరిగానే, విటమిన్ P కూడా మన ఆరోగ్యానికి చాలా ముఖ్యమైనది. విటమిన్ P అనేది ఒకే ఒక్క పోషకం కాదు, బదులుగా ఫ్లేవనాయిడ్స్ అనే పోషకాల సమూహం. ఈ ఫ్లేవనాయిడ్స్ మొక్కలలో సహజంగా లభిస్తాయి. యాంటీఆక్సిడెంట్, యాంటీ-ఇన్ఫ్లమేటరీ లక్షణాలను కలిగి ఉంటాయి.

విటమిన్ P అంటే ఏమిటి?

విటమిన్ P అనేది ఒకే ఒక విటమిన్ కాదు, ఫ్లేవనాయిడ్స్ అని పిలువబడే సహజ సమ్మేళనాల సమూహం. ఈ ఫ్లేవనాయిడ్స్ మొక్కలలో కనిపిస్తాయి. మనకు యాంటీఆక్సిడెంట్, యాంటీ-ఇన్ఫ్లమేటరీ లక్షణాలను అందిస్తాయి.

విటమిన్ P ఎక్కడ దొరుకుతుంది?

 విటమిన్‌ పి అనేది ఎక్కడ దొరుకుతుంది అంటే ఇది ఎక్కువగా నారింజ, ద్రాక్ష, నిమ్మకాయ, బ్లూబెర్రీస్, స్ట్రాబెర్రీస్, రాస్ప్‌బెర్రీస్, క్రాన్‌బెర్రీస్,  క్యాబేజీ, బ్రోకలీ, కాలే, పాలకూర, డార్క్ చాక్లెట్‌లో 70% లేదా అంతకంటే ఎక్కువ కోకో కంటెంట్ ఉంటుంది. వాల్‌నట్స్, బాదం, పెకాన్స్, నల్ల బీన్స్, కిడ్నీ బీన్స్, పిండి బీన్స్ లో అధికంగా ఉంటుంది. 

విటమిన్ పి అనేది గుండె సంబంధిత సమస్యలు రాకుండా ఉండేలా సహాయపడుతుంది. అంతేకాకుండా రక్తనాళాల పనితీరు మెరుగుపరచడంలో సహాయపడుతుంది. అలాగే ఆస్తమా, కీళ్లనొప్పులు, అలర్జీలు రాకుండా సహాయపడుతుంది. అలాగే ఈ విటమిన్‌ పి తీసుకోవడం వల్ల గాయాలు సులభంగా తగ్గుతాయి. అలాగే రక్తస్రావం కాకుండా సహాయపడుతుంది. అంతేకాకుండా ఆర్థరైటిస్‌కు సంబంధించిన వాపులు, సమస్యలను తగ్గించడంలో సహాయపడుతుంది. 
ఒక్కవేళ బయోఫ్లేవనాయిడ్ లోపం లక్షణాలు లోపం వల్ల స్కర్వీ, చిగుళ్లు, దంతాల సమస్యలు, చర్మం, జుట్టు పొడిబారడం, రక్తహీనత ఏర్పడుతుంది.

విటమిన్‌ పి తీసుకోవడం వల్ల కలిగే ప్రయోజనాలు: 

వారికోస్ చర్మంపై కమిలినట్లు ఉండటం నివారిస్తుంది: విటమిన్ పి రక్త నాళాలను బలోపేతం చేయడంలో రక్త ప్రసరణను మెరుగుపరచడంలో సహాయపడుతుంది. ఇది వారికోస్  స్పైడర్ నరాల ప్రమాదాన్ని తగ్గిస్తుంది.

కంటి ఆరోగ్యాన్ని మెరుగుపరుస్తుంది: విటమిన్ పి కంటిలోని రక్తనాళాలను రక్షించడంలో  కంటిశుక్లం, మచ్చల క్షీణత వంటి వయస్సు-సంబంధిత కంటి వ్యాధుల ప్రమాదాన్ని తగ్గించడంలో సహాయపడుతుంది.

మెదడు పనితీరును మెరుగుపరుస్తుంది: విటమిన్ పి మెదడు కణాలను నష్టం నుంచి రక్షించడంలో, జ్ఞాపకశక్తి , ఏకాగ్రతను మెరుగుపరచడంలో సహాయపడుతుంది.

కొన్ని రకాల క్యాన్సర్ల ప్రమాదాన్ని తగ్గిస్తుంది: కొన్ని అధ్యయనాలు విటమిన్ పి కొన్ని రకాల క్యాన్సర్ల, ముఖ్యంగా చర్మం, ఊపిరితిత్తులు, ప్రోస్టేట్ క్యాన్సర్ల ప్రమాదాన్ని తగ్గిస్తుందని సూచిస్తున్నాయి.

మీ ఆహారంలో విటమిన్ పి పుష్కలంగా ఉండేలా చూసుకోవడానికి, వివిధ రకాల రంగురంగుల పండ్లు, కూరగాయలు, చాక్లెట్‌ను తినడానికి ప్రయత్నించండి.

గమనిక: విటమిన్ పి సప్లిమెంట్‌లను తీసుకునే ముందు మీ వైద్యుడిని సంప్రదించండి.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.