4 Indian Temples for Moksha: మోక్షం పొందాలంటే జీవితంలో ఒక్కసారైనా ఈ 4 ఆలయాలను దర్శించుకోండి..
బద్రీనాథ్‌ ధామ్.. బద్రీనాథ్‌ ఆలయం ఉత్తరాఖండ్‌లోని హిమాలయాల్లో ఉంది. ఇది అత్యంత పరమపవిత్రమైన ఆలయం. దేశ నలుమూలల నుంచి ఈ ఆలయానికి పోటెత్తుతారు. మోక్షం పొందాలనుకునేవారు బద్రీనాథ్‌ ఆలయాన్ని దర్శించుకుంటారు. జీవితంలో ఒక్కసారైనా బద్రీనాథ్‌ ఆలయాన్ని చూడాలనుకుంటారు. ఈ ఆలయాన్ని చేరుకోవాలంటే జోషిమథ్‌ నుంచి ట్రెక్కింగ్‌ ద్వారా వెళ్తారు. బద్రీనాథ్‌ ఆలయాన్ని చేరుకుంటే మనసు ప్రశాంతంగా మారిపోతుంది.
ద్వారక.. ఇది కూడా అత్యంత పరమపవిత్రమైన ఆలయం. ద్వారక కృష్ణుడి పాలించిన నగరంగా నమ్ముతారు. జీవితంలో ఒక్కసారైనా ద్వారక వెళ్లాలనుకుంటారు. ఈ ఆలయంలో ఉన్న కృష్ణుడి విగ్రహానికి మ్యాగ్నెటిక్‌ శక్తి ఉంటుందని నమ్ముతారు. అందుకే ఈ ఆలయాన్ని చేరుకోవడానికి హిందూవులు ఎదురుచూస్తుంటారు.
జగన్నాథ్‌ టెంపుల్.. ఒరిస్సాలో ఉన్న జగన్నాథ్‌ ఆలయాన్ని దర్శించుకోవాలని కోరుకుంటారు. ఈ ఆలయానికి ఎంతో చరిత్ర ఉంది. ఈ ఆలయంలో జగన్నాథుడు, బాలరాముడు, సభద్రలు ఉంటారు. ప్రతి ఏడాది ఇక్కడ అంగరంగ వైభవంగా రథయాత్రను నిర్వహిస్తారు. మిలియన్ల మంది భక్తులు వస్తారు. ఆ ఆలయ అర్కిటెక్చర్ కూడా బాగుంటుంది. జీవితంలో ఒక్కసారైనా జగన్నాథ ఆలయానికి వెళ్తే మోక్షం కలుగుతుందని నమ్ముతారు.
రామేశ్వరం.. ఈ ఆలయ కట్టడం కూడా ఎంతో అందంగా కనిపిస్తుంది. రామేశ్వరం తమిళనాడులో ఉంది. ఇందులో శివుడు కొలువై ఉంటాడు. ద్వాదశ జ్యోతిర్లింగాలలో ఇది ఒక్కటి. తాము చేసిన పాపాల నుంచి విముక్తి కల్పించాలని భక్తులు పెద్ద సంఖ్యలో ఈ ఆలయానికి పోటెత్తుతారు. ఇది హిందూ మహాసముద్రానికి అతి దగ్గర్లో ఉంటుంది.
ఇక్కడ ఆలయ పరిసరాలు కూడా ఎంతో మనశ్శాంతిని కలిగిస్తాయి. జీవితంలో ఒక్కసారైన ఈ ఆలయానికి వెళ్తే మోక్షం లభిస్తుందని భక్తుల నమ్మకం.(Disclaimer: ఇక్కడ ఇవ్వబడిన సమాచారం సాధారణ నమ్మకాలు మరియు సమాచారంపై ఆధారపడి ఉంటుంది. ZEE NEWS దీన్ని ధృవీకరించలేదు.)