Loksabha Elections 2024: మొదటిసారి ఈవీఎంను ఎక్కడ వినియోగించారు..? ఈ ఇంట్రెస్టింగ్ విషయాలు మీకు తెలుసా..!
మన దేశంలో మే 1982లో కేరళలోని పరూర్ అసెంబ్లీ నియోజకవర్గంలో జరిగిన ఉప ఎన్నికలో 50 పోలింగ్ స్టేషన్లలో ఈవీఎంలను తొలిసారిగా ఉపయోగించారు. 1983 తర్వాత ఓటింగ్ యంత్రాల వినియోగానికి చట్టపరమైన మద్దతు అవసరమని సుప్రీంకోర్టు తీర్పు ఇవ్వడంతో ఈవీఎంలను ఉపయోగించలేదు.
1988 డిసెంబరులో పార్లమెంట్‌లో ఈ చట్టాన్ని సవరించి, ఓటింగ్ యంత్రాలను ఉపయోగించేందుకు ఎన్నికల కమిషన్‌కు అధికారం ఇచ్చింది. 1998 నుంచి 2001 మధ్య దశలవారీగా ఎన్నికలలో ప్రవేశపెట్టారు.
2004 లోక్‌సభ ఎన్నికల్లో దేశంలోని అన్ని పోలింగ్ కేంద్రాల్లో 10.75 లక్షల ఈవీఎంలను వినియోగించారు. ప్రస్తుతం ఈ ఎన్నికల్లో దాదాపు 55 లక్షల ఈవీఎంలను వినియోగించనున్నారు.
ఈవీఎంలో కంట్రోల్ యూనిట్, కేబుల్ ద్వారా అనుసంధానించిన బ్యాలెట్ యూనిట్ ఉంటాయి. కంట్రోల్ యూనిట్ పోలింగ్ అధికారి వద్ద ఉంటుంది. ఆయన అనుమతి ఇస్తే.. బ్యాలెట్‌లో ఓటు వేయాలి.
పోలింగ్ ప్రక్రియ మొత్తం ముగిసిన తరువాత ఒక బటన్ నొక్కి ఎన్నికల ఫలితాలను వెంటనే తెలుసుకోవచ్చు. ఈవీఎంలను భారత్ ఎలక్ట్రానిక్స్ లిమిటెడ్, ఎలక్ట్రానిక్స్ కార్పొరేషన్ ఆఫ్ ఇండియా లిమిటెడ్‌లు తయారు చేస్తాయి.