Green Chilli Benefits: పచ్చిమిర్చి కళ్లకు, ఎముకలకు ఎంతో ఆరోగ్యకరం.. కానీ, ఇలా తినండి..
పచ్చిమిరపకాయల రుచి కారంగా, ఘాటుగా ఉంటుంది. వీటిని మన రోజువారీ వంటల్లో వాడతాం. ఇది ఆహారానికి ఘాటు పెంచుతుంది. కొంతమంది కారం ఎక్కువగా తినేవారు ఉంటారు. అయితే, దీనివల్ల అనేక ఆరోగ్య ప్రయోజనాలు ఉంటాయని మీకు తెలుసా? ముఖ్యంగా కళ్లకు, ఎముకలకు ఇవి అనేక ప్రయోజనాలను అందిస్తాయి. వీటి ప్రయోజనాలు ఏముంటాయో తెలుసుకుందాం.
పచ్చిమిర్చిలో క్యాప్సైసిన్ ఉంటుంది. ఇది జీర్ణక్రియను మెరుగుపరచడంలో సహాయపడుతుంది. అంతేకాదు పచ్చిమిర్చిలో విటమిన్ సీ ఉంటుంది. దీంతో బరువు సులభంగా తగ్గిపోతారు. పచ్చిమిర్చి ముఖ్యంగా నొప్పిని తగ్గించడంలో కీలకపాత్ర పోషిస్తుంది.
పచ్చిమిర్చి కూడా గుండె ఆరోగ్యంగా ఉండేందుకు సహాయం చేస్తుంది. క్యాప్సైసిన్ మిరపకాయను కారంగా ,ఆరోగ్యంగా చేస్తుంది. అంతేకాదు, గుండె జబ్బుల సమస్యను తొలగించడంలో ప్రయోజనకరంగా ఉంటుంది. పచ్చిమిరపకాయలు జీర్ణరుగ్మతలపై సానుకూల ప్రభావాన్ని ఇస్తాయి.
పచ్చిమిర్చి తినడం వల్ల కొలెస్ట్రాల్ సమస్య ఉండదు. దీంట్లో ఫైబర్ కూడా పుష్కలంగా ఉంటుంది. ఇది బీపీ రోగులకు కూడా వరం. ఇందులో ఉండే అమినో యాసిడ్స్, మెగ్నీషియం రక్తప్రసరణను మెరుగుపరుస్తుంది. ఎముకలకు బలాన్నిచ్చి హిమోగ్లోబిన్ స్థాయిని సమం చేస్తుంది. పచ్చిమిర్చిలో ఉండే విటమిన్ ఏ కంటి ఆరోగ్యానికి ఎంతో మేలు చేస్తుంది.
పచ్చిమిర్చి మీ డైట్లో చేర్చుకోవడం వల్ల మీరు క్యాన్సర్‌కు దూరంగా ఉంచవచ్చు. ఇందులో యాంటీ ఆక్సిడెంట్లు పుష్కలంగా ఉంటాయి. ఫ్రీ రాడికల్స్ నుండి మిమ్మల్ని రక్షించి కేన్సర్ ప్రమాదాన్ని తగ్గిస్తాయి.
కానీ, నిపుణుల అభిప్రాయం ప్రకారం పచ్చి మిరపకాయలను అతిగా తినకూడదు. రోజుకు మూడు కంటే ఎక్కువ తినకుండా ఉండండి. ఎందుకంటే ఇది కడుపులో చికాకు వంటి సమస్యలను కలిగిస్తుంది. దీనివల్ల పైల్స్ సమస్య కూడా పెరుగుతుంది.(Disclaimer: ఈ కథనం ఇంటర్నేట్లో అందుబాటులో ఉన్న సమాచారం ఆధారంగా రాసినది. Zee News Media కి దీనిని ధృవీకరించడం లేదు. )