CSK New Captain: సీఎస్కే జట్టు కొత్త కెప్టెన్ జడేజా కాదు..ధోనీ మరో శిష్యుడే సారధి
రుతురాజ్ గైక్వాడ్ టీమ్ ఇండియాకు ఇప్పటి వరకూ 1 వన్డే, 9 టీ20లు ఆడాడు. వన్డేలో 19 పరుగులు, టీ20ల్లో 135 పరుగులు చేశాడు. ఇందులో ఒక హాఫ్ సెంచరీ ఉంది.
రుతురాజ్ గైక్వాడ్‌కు చైనాలో జరిగే ఏసియన్ గేమ్స్ 2023కు టీమ్ ఇండియా కెప్టెన్‌గా ఎంపిక చేశారు. రుతురాత్ గైక్వాడ్ మూడు క్రికెట్ ఫార్మట్లలో టీమ్ ఇండియాకు ఆడాలని అంబటి ఆశించాడు.
రుతురాత్ గైక్వాడ్ సీఎస్కే జట్టుకు పదేళ్ల కంటే ఎక్కవ సమయమే కెప్టెన్‌గా వ్యవహరించవచ్చని కూడా అంబటి చెప్పడం విశేషం.
సీఎస్కే మాజీ ఆటగాడు అంబటి రాయుడు ఓ యూట్యూబ్ ఛానెల్‌కు ఇచ్చిన ఇంటర్వ్యూులో ఆసక్తికరమైన విషయాలు వెల్లడించాడు. సీఎస్కే భవిష్యత్ గురించి మాట్లాడాల్సి వస్తే రుతురాజ్ సరైన ప్రత్యామ్నాయమని చెప్పాడు అంబటి రాయుడు. అతడిలో కెప్టెన్ సామర్ద్యం ఉందని చెప్పాడు.
అంబటి రాయుడు అంచనాల ప్రకారం చెన్నై సూపర్‌కింగ్స్ జట్టు ఓపెనర్ రుతురాజ్ గైక్వాడ్ సీఎస్కే తదుపరి కెప్టెన్ కాగలడు. గత కొద్దికాలంగా సీఎస్కే ప్రదాన ఆటగాళ్లలో ఒకడిగా రుతురాజ్ ఉంటున్నాడు.