RTC Jobs: నిరుద్యోగులకు ఆర్టీసీ భారీ శుభవార్త.. 7,545 ఖాళీల భర్తీకి ప్రభుత్వం కసరత్తు..!
APSRTC Jobs: ఏపీ ప్రభుత్వం ఏర్పాటు అయినప్పటి నుంచి ఒక్కో పథకం అమలు చేస్తూ వస్తోంది. మొన్నటికి మొన్న మెగా డీఎస్సీ విడుదల చేసింది.ఇప్పుడు ఆర్టీసీ ఖాళీల భర్తీకి శ్రీకారం చుట్టింది.
ఆంధ్రప్రదేశ్‌ ఆర్టీసీ ఉద్యోగల భర్తీకి భారీ కసరత్తు చేస్తోంది ప్రభుత్వం. దీనికి సంబంధించిన వివరాలను ఇప్పటికే ఆర్టీసీ యాజమాన్యం ప్రభుత్వానికి సమర్పించింది.
ఏపీఎస్‌ఆర్టీసీలో 7,545 పోస్టులు ఖాళీగా ఉన్నట్లు తెలుస్తోంది. అంటే మొత్తంగా 18 కేటగరీల్లో ఈ ఖాళీలు ఉన్నాయి. ఇదులో 3,673 రెగ్యులర్ డ్రైవర్లు, 1813 కండక్లర్‌, 579 అసిస్టెంట్‌ మెకానిక్‌, 207 ట్రాఫిక్‌ సూపర్‌ వైజర్ ట్రైనీలు, 179 మెకానికల్‌ , 280 డిప్యూట సూపరింటెండెంట్‌, 656 జూనియర్‌ అసిస్టెంట్‌ పోస్టులు.
ఈ ఖాళీలకు సంబంధించిన పూర్తి వివరాలు ఆర్టీసీ ప్రభుత్వానికి సమర్పించింది. దీనిపై ప్రభుత్వం ఓ నిర్ణయం తీసుకోనుంది. ఇప్పటికే అప్రెంటీస్‌ పోస్టులను కూడా ఏపీఎస్‌ఆర్టీసీ దరఖస్తులు స్వీకరిస్తోంది.
డిజిటల్‌ మెకానిక్‌, పెయింటర్‌, వెల్డర్‌ పోస్టులను భర్తీ చేస్తుంది. దీనికి ఐటీఐ పూర్తి చేసినవారు అర్హులు. జిల్లాల వారీగా తమ వివరాలను నమోదు చేసుకోవాలి. సర్టిఫికేట్లు పరిశీలించిన తర్వాత తుదిజాబితా సిద్ధం చేస్తారు.