Daku Maharaj: మామ బాలయ్య ప్రి రిలీజ్‌ ఈవెంట్‌కు ముఖ్య అతిథిగా అల్లుడు?
బాబీ దర్శకత్వంలో నందమూరి బాలకృష్ణ, శ్రద్ధా శ్రీనాథ్, ప్రగ్యా జైస్వాల్‌ జోడిగా నటించిన సినిమా 'డాకు మహారాజ్'.
ఇప్పటికే టీజర్‌, ట్రైలర్‌తో ప్రేక్షకుల్లో భారీ అంచనాలు పెంచిన డాకు మహారాజ్ ఈనెల 12వ తేదీన విడుదల కానుంది.
ఈ సినిమా ప్రి రిలీజ్‌ ఈవెంట్‌ ఏపీలోని అనంతపురంలో నిర్వహించనున్నట్లు సమాచారం.
ఈ వేడుకకు బాలయ్య అల్లుడు, మంత్రి నారా లోకేశ్ ముఖ్య అతిథిగా రాబోతున్నట్లు చర్చ జరుగుతోంది.
ఈ విషయమై ఒకటి, రెండు రోజుల్లో చిత్రబృందం అధికారిక ప్రకటన చేయనున్నారు. ఈ వేడుకకు భారీ ఎత్తున ఏర్పాట్లు చేస్తున్నట్లు తెలుస్తోంది.
మామ అల్లుళ్లు ఒకే వేదికపై కనిపిస్తే తెలుగు దేశం పార్టీ శ్రేణులు సంబరాలు చేసుకునే అవకాశం ఉంది. కాగా వీరిద్దరి కలిసి పంచుకునే వేడుక ప్రత్యేకంగా నిలవనుంది.