Mee Seva Centers: రాష్ట్రవ్యాప్తంగా మీ సేవ కేంద్రాల్లో నిలిచిపోయిన పౌర సేవలు.. 3 రోజులుగా ప్రజల ఇబ్బందులు..
మీ సేవ కేంద్రాల్లో పోర్టల్‌ పనిచేయకపోవడంతో ప్రజలు గడిచిన మూడు రోజులుగా ప్రజలు తీవ్ర ఇబ్బందులకు గురవుతున్నారు.
మీ సేవ కేంద్రాల ద్వారా నిత్యం కరెంట్‌ బిల్లు, ట్యాక్స్‌, ఇతర ధృవపత్రాల సేవలను పొందుతారు. రాష్ట్రవ్యాప్తంగా మీ సేవ కేంద్రాలు అందుబాటులో ఉన్నాయి.
పౌరసేవలు గత మూడు రోజులుగా అందుబాటులో లేకపోవడంతో ప్రజలు మీ సేవా కేంద్రాల నుంచి వెనుదిరుగుతున్నారు. ముఖ్యంగా పోర్టల్‌ పనిచేయపోవడంతో పౌరసేవలన్నీ నిలిచిపోయాయి.
రాష్ట్రవ్యాప్తంగా ఉన్న మీ సేవా సంటర్లకు సంబంధించిన ప్రధాన సర్వర్‌లో టెక్నికల్‌ సమస్యలు తలెత్తడంతో సేవలు నిలిచిపోయాయి.
ప్రజల తీవ్ర ఇబ్బందులను దృష్టిలో పెట్టుకున్న అధికారులు కూడా త్వరగా సమస్య పరిష్కార చర్యలు చేపట్టారు. మరో రెండు రోజుల్లో సర్వీసలు పునరుద్ధరించే అవకాశాలున్నాయని అధికారులు చెబుతున్నారు.