Devara OTT Streaming Date: ఆ రోజు నుంచే ప్రముఖ ఓటీటీలో ఎన్టీఆర్ ‘దేవర’ మూవీ స్ట్రీమింగ్..
‘అరవింద సమేత వీరరాఘవ’ సినిమా తర్వాత ఎన్టీఆర్ సోలో కథానాయకుడిగా యాక్ట్ చేసిన చిత్రం ‘దేవర’. కొరటాల శివ డైరెక్షన్ లో తెరకెక్కిన ఈ చిత్రం రూ.500 కోట్ల క్లబ్బులో ప్రవేశించింది.
‘దేవర’ మూవీ తెలంగాణ (నైజాం)లో రికార్డు బ్రేక్ కలెక్షన్స్ రాబట్టింది. మొత్తంగా ఇక్కడ రూ. 64 కోట్ల షేర్ రాబట్టడం మాములు విషయం కాదు. ఓవరాల్ గా తెలుగులో రూ. 170 కోట్ల షేర్ (రూ. 280 కోట్ల గ్రాస్ ) వసూళ్లతో దీపావళి మూవీలతో పోటీ పడుతూ ఓ మోస్తరు కలెక్షన్స్ రాబడుతోంది.
తాజాగా ఈ సినిమా ఓటీటీ రిలీజ్ డేట్ ఫిక్స్ అయింది. ఈ సినిమాను ఈ నెల 9 నుంచి ప్రముఖ నెటిఫ్లిక్స్ లో 5 భాషల్లో స్ట్రీమింగ్ కు రానున్నట్టు సమాచారం.
ఎన్టీఆర్ హీరోగా నటించిన ‘దేవర పార్ట్ -1’. మిక్స్ డ్ టాక్ తో బ్లాక్ బస్టర్ గా నిలిచింది. అంతేకాదు రాజమౌళి సినిమా తర్వాత ఏ హీరో అయిన ఫ్లాప్ అందుకుంటాడనే సెంటిమెంట్ కు ‘దేవర’ సక్సెస్ తో తారక్ బ్రేకులు వేసాడు.
2015లో ‘టెంపర్’ చిత్రంతో మొదలైన ఎన్టీఆర్ సినీ సక్సెస్ ‘దేవర’ వరకు కంటిన్యూ అవుతూనే ఉంది. వరుసగా తొమ్మిదేళ్ల నుంచి అపజయం ఎరగని హీరోగా టాలీవుడ్ లో ఈ జనరేషన్ లో హైయ్యెస్ట్ సక్సెస్ రేట్ ఉన్న హీరోగా నిలిచాడు.