Worlds Largest Fountain Photos: ప్రపంచంలోనే అతిపెద్ద ఫౌంటెన్.. చూస్తే కళ్లు జిగేల్

యూఏఈ, దుబాయ్‌లోని పామ్ జుమేరియా దీవుల్లోని పాయింటే వద్ద ఉన్న పామ్ ఫౌంటెన్ ప్రపంచంలోనే అతిపెద్ద ఫౌంటెన్‌ (Worlds largest fountain in Dubai)గా రికార్డు సృష్టించింది. ఈ ఫౌంటెన్ 14,000 అడుగుల సముద్రపు నీటిలో విస్తరించి ఉంది. ఈ ఫౌంటెన్ 105 మీటర్ల ఎత్తు వరకు నీటిని పంపే సామర్థ్యం గల షూటర్లను కలిగి ఉంది.

గురువారం (అక్టోబర్ 22) ప్రారంభమైన పామ్ ఫౌంటెన్ ప్రపంచంలోనే అతిపెద్ద ఫౌంటెన్‌గా పలు రికార్డులు తన ఖాతాలో వేసుకుంది. ప్రతి 30 నిమిషాలకు ఒకసారి దాదాపు 3 నిమిషాల పాటు రంగు రంగుల కాంతి ప్రదర్శనలు కనువిందు చేస్తాయి.

ప్రపంచంలోనే అతిపెద్ద ఫౌంటెన్ పామ్ ఫౌంటెన్ 3వేల ఎల్‌ఈడీ లైట్లు కలిగి ఉంది

సాయంత్రం ఏడు నుంచి రాత్రి 12గంటల మధ్యలో సంగీతంతో ఫౌంటెన్ ప్రదర్శిస్తారు. ఎవరైనా కోరితే ప్రత్యేక ప్రదర్శనలకు సైతం నిర్వాహకులు సిద్ధంగా ఉన్నారు.