Dussehra Holidays 2024: స్కూళ్లకు సెలవులు అక్టోబర్‌ 2 నుంచి ఇవ్వాలని డిమాండ్‌..!
AP Dussehra Holidays 2024: తెలుగు రాష్ట్రాల్లో ఎడ్యుకేషన్‌ డిపార్ట్‌మెంట్‌ దసరా హాలిడేలను ప్రకటించారు. విద్యాశాఖ అక్టోబర్‌ 4 నుంచి 13 వరకు సెలవులు ప్రకటించారు. ఆంధ్రప్రదేశ్‌ ప్రభుత్వం 10 రోజులపాటు సెలవులు ప్రకటించింది.
దసరా, సంక్రాంతి రెండు తెలుగు రాష్ట్రాల్లో జరుపుకునే పెద్ద పండుగలు. అయితే, ఏపీ దసరా సెలవులను విద్య శాఖ మంత్రి నారా లోకేష్ ఏపీ అకడమిక్‌ క్యాలెండర్‌ విడుదల చేసిన సంగతి తెలిసిందే.
అయితే, మహాలయ అమావాస్య అక్టోబర్‌ 2 రానుంది. ఈ సందర్భంగా అక్టోబర్‌ 2 నుంచే అన్ని విద్యాసంస్థలకు సెలవు ప్రకటించాలని ఆర్‌జేయూపీ ప్రభుత్వాన్ని డిమాండ్‌ చేస్తోంది. ఆరోజు గాంధీ జయంతి కూడా రానుంది. ఈ సందర్భంగా 3 వ తేదీ కూడా సెలవు ఇస్తే ధార్మిక క్రతువులు చేసుకోవడానికి వీలుంటుందని ఓ ప్రకటన విడుదల చేశారు.
పితృపక్షం 15 రోజులపాటు ప్రతి ఏడాది నిర్వహిస్తారు. అయితే, ఇది సెప్టెంబర్‌ 18న ప్రారంభమై, అక్టోబర్‌ 2 మహాలయ అమావాస్యతో ముగుస్తుంది. ఇదిలా ఉంగా ఇప్పటికే భారీవర్షాలు వరదల నేపథ్యంలో విద్యా సంస్థలకు సెలవులు ఎక్కువగానే వచ్చాయి. ఈ మాసంలో వర్కింగ్‌ డేస్‌ తగ్గిపోయాయి. దీనిపై ప్రభుత్వం ఏ విధంగా స్పందిస్తుందో చూడాలి.
దీపావళి సెలవు అక్టోబర్‌ 31న రానుంది. ఈ రోజు కూడా అన్నీ స్కూళ్లు, కాలేజీలు, ఆఫీసులకు సెలవు రానుంది. ఇది రెండూ ప్రభుత్వ, ప్రైవేటు రంగాలకు వర్తిస్తుంది. దీపావళి కూడా దేశవ్యాప్తంగా అంగరంగ వైభంగా నిర్వహించుకునే పండుగ.