Gabbar Singh Re Release: పవన్ కళ్యాణ్ ‘గబ్బర్ సింగ్’ రీ రిలీజ్.. బ్రేక్ చేయాల్సిన రికార్డులు ఇవే..

Gabbar Singh Re Release: ఈ మధ్య ఈ రీ రిలీజ్ ట్రెండ్ తగ్గినట్టు కనిపించినా.. తాజాగా మహేష్ బాబు ‘మురారి’ సినిమా మంచి వసూళ్లను సాధించడంతో మళ్లీ తెలుగులో రీ రిలీజ్ ట్రెండ్ మళ్లీ ఊపందుకుంది. అయితే.. ‘బ్రో’ సినిమా తర్వాత పవన్ కళ్యాణ్ నటించిన ఏ సినిమా రిలీజ్ కాలేదు. అందుకే ఈ పుట్టినరోజున ‘గబ్బర్ సింగ్’ సినిమాను రీ రిలీజ్ చేస్తున్నారు. ఈ రకంగా  పవన్ బర్త్ డే ను సెలబ్రేట్ చేసుకునే ప్లాన్ లో ఉన్నారు ఫ్యాన్స్.

పవన్ కళ్యాణ్ కెరీర్ లో ఎన్నో రీమేక్ సినిమాల్లో నటించినా.. ‘గబ్బర్ సింగ్’ కు మాత్రం ప్రత్యేక స్థానం ఉంది. ‘ఖుషీ’ తర్వాత ఆ రేంజ్ హిట్ కోసం దాదాపు 10 యేళ్లు వెయిట్ చేసారు అభిమానులు. వాళ్ల ఆకలి తీరేలా ఈ సినిమా బాక్సాఫీస్ దగ్గర పలు రికార్డులను బ్రేక్ చేసింది

‘గబ్బర్ సింగ్’ సినిమాలో పవన్ కళ్యాణ్ మేనిరిజమ్స్, డైలాగ్స్, యాక్షన్  ఫ్యాన్స్ తో పాటు కామన్  ఆడియన్స్ ను అట్రాక్ట్ చేసాయి. ఈ సినిమాకు దేవీశ్రీ ప్రసాద్ అందించిన సంగీతం కూడా పెద్ద ఎస్సెట్ గా నిలిచింది.

హిందీలో సల్మాన్ ఖాన్ హీరోగా నటించిన ‘దబాంగ్’ మూవీని తెలుగు నేటివిటీకి తగ్గట్టు తెరకెక్కించిన ప్రేక్షకులతో కెవ్వు కేక పుట్టించేలా చేసాడు దర్శకుడు హరీష్ శంకర్. ఈ సినిమా పరమేశ్వర ప్రొడక్షన్ పతాకంపై బండ్ల గణేష్ నిర్మించాడు. ఈ సినిమా అప్పట్లోనే 306 కేంద్రాల్లో 50 రోజులు, 65 కేంద్రాల్లో 100 రోజులు పూర్తి చేసుకొని సంచలనం సృష్టించింది.

అంతేకాదు అప్పట్లోనే ఈ సినిమా రూ. 35 కోట్ల ప్రీ రిలీజ్ బిజినెస్ చేసిన ‘గబ్బర్ సింగ్’.. మొత్తంగా రూ. 60.16 కోట్ల షేర్ (రూ. 115 కోట్ల గ్రాస్) కలెక్షన్స్ ను సొంతం చేసుకుంది.పవన్ కళ్యాణ్ ఇమేజ్ కు హరీష్ శంకర్ టేకింగ్ తోడై ఈ సినిమా బ్లాక్ బస్టర్ గా నిలిచింది.

‘గబ్బర్ సింగ్’ సినిమా రీ రిలీజ్ లో మురారి సినిమా ఫస్ట్ డే సాధించిన కలెక్షన్స్ తో పాటు.. ఆ సినిమా రీ రిలీజ్ లో కలెక్ట్ చేసిన వసూళ్లను క్రాస్ చేయాల్సి ఉంటుంది. మరి రీ రిలీజ్ లో ‘గబ్బర్ సింగ్’.. ‘మురారి’ సినిమా సెట్ చేసిన రికార్డులను బ్రేక్ చేస్తుందా లేదా అనేది చూడాలి.