Gold Rate Today: పసిడి ప్రియులకు షాక్.. నేడు బంగారం ధర ఎంత పెరిగిందో తెలిస్తే.. కళ్లు చెదిరిపోతాయ్
Gold Rate Today: అమెరికా అధ్యక్ష ఎన్నికల్లో డొనాల్డ్‌ ట్రంప్‌ విజయం సాధించిన తర్వాత బంగారం ధరలు భారీగా తగ్గాయి. అయితే బిట్‌కాయిన్ ఊపందుకుంది. బంగారం ధరలు భారీగా తగ్గుతాయన్న సమయంలో గత 5 రోజులు నుంచి మళ్లీ బంగారం ధరలో పెరుగుదల కనిపిస్తోంది.
ప్రపంచవ్యాప్తంగా పెరుగుతున్న అనిశ్చితి దీనికి అతిపెద్ద కారణమని బులియన్ మార్కెట్ నిపుణులు అంచనా వేస్తున్నారు. దీని కారణంగా పెట్టుబడిదారులు ఇప్పుడు బంగారం వైపు మొగ్గు చూపుతున్నారు. బంగారం సురక్షితమైన పెట్టుబడిగా పరిగణించడమే కారణమని అంటున్నారు.
పసిడి ప్రియులకు బంగారం ధరలు షాకిస్తున్నాయి. గత వారం రోజులుగా ధరలు భారీగా పెరుగుతూనే ఉన్నాయి. ఆల్ ఇండియా బులియన్ అసోసియేషన్ ప్రకారం, శుక్రవారం దేశ రాజధానిలో 10 గ్రాముల బంగారం ధర రూ.1,100 పెరిగి రెండు వారాల గరిష్టానికి రూ.80,400కి చేరుకుంది.
ప్రస్తుతం పెళ్లిళ్ల సీజన్‌ కావడంతో పాటు ఆభరణాల వ్యాపారులు నిరంతరంగా కొనుగోళ్లు జరపడమే ఇందుకు కారణం. వెండి కూడా కిలో రూ.300 పెరిగి రూ.93,300కి చేరుకుంది. గత సెషన్‌లో కిలో రూ.93,000 వద్ద ముగిసింది.
LKP సెక్యూరిటీస్ కమోడిటీ అండ్ కరెన్సీ VP రీసెర్చ్ అనలిస్ట్ జతిన్ త్రివేది మాట్లాడుతూ, "గ్లోబల్ అస్థిరత పెరగడంతోనే బంగారం ధరలు పెరుగుతున్నాయని తెలిపారు. MCXలో, బంగారం రూ. 900 పెరుగుదలతో రూ. 77,600కి చేరుకుంది. ఈ పదునైన రికవరీ ముఖ్యాంశాలు బంగారం స్థితిస్థాపకత, అనిశ్చిత సమయాల్లో పోర్ట్‌ఫోలియోలను బ్యాలెన్స్ చేయడంలో దాని పాత్ర అని తెలిపారు. రష్యా, ఉక్రెయిన్ మధ్య పెరుగుతున్న ఉద్రిక్తతల మధ్య, బంగారం వ్యాపారులు US డాలర్ తగ్గడంతో బంగారం ధరలు భారీగా పెరుగుతున్నాయి.
హెచ్‌డిఎఫ్‌సి సెక్యూరిటీస్ కమోడిటీస్ సీనియర్ ఎనలిస్ట్ సౌమిల్ గాంధీ మాట్లాడుతూ బంగారం ధరల పెరుగుదల బులియన్‌పైనే ఉంది. ఆసియా మార్కెట్‌లో ఔన్స్ వెండి ధర 1.42 శాతం పెరిగి 31.83 డాలర్లకు చేరుకుంది. పారిశ్రామిక, ఆభరణాల కోసం వెండికి డిమాండ్ ఉండడమే ఇందుకు కారణం. కిలో రూ.లక్ష స్థాయి దాటిన తర్వాత వెండి మళ్లీ పుంజుకుందని తెలిపారు.
పశ్చిమాసియా దేశాల్లో ఉద్రిక్తతలు ఈవిధంగానే కొనసాగినట్లయితే బంగారం ధర భారీగా పెరిగే అవకాశం ఉంది. అలాగే ఈ ఏడాది చివరి నాటికి బంగారం ధర లక్షరూపాయలు దాటే అవకాశం ఉందని మార్కెట్ వర్గాలు అంచనా వేస్తున్నాయి. బంగారం ధరలు ఈ స్థాయిలో పెరగడం వల్ల పసిడి ప్రియులు ఆందోళన చెందుతున్నారు.
ముఖ్యంగా బంగారం కొనుగోలు చేసేవారు ప్రస్తుతం పెరిగిన ధరల నేపథ్యంలో చాలా తక్కువగా బంగారం కొనుగోలు చేస్తున్నారు. గత ఏడాది ఇదే సమాయానికి బంగారం ధర 63వేల సమీపంలో ఉంది. అప్పటి నుంచి పోల్చి చూస్తే బంగారం ధర దాదాపు 15వేల రూపాయల వరకు పెరిగింది.