AP TET 2024:టెట్‌ అభ్యర్థులకు గుడ్‌న్యూస్‌.. ఒకే ప్రాంతంలో ఎగ్జామ్‌ సెంటర్‌, సందేహాలు ఉంటే సంప్రదించాల్సిన నంబర్లివే..
ఇటీవలె టెట్‌కు సంబంధించిన హాల్‌ టిక్కెట్లను విడుదల చేసిన సంగతి తెలిసిందే. ఏపీ టెట్‌ ఎగ్జామ్‌ అక్టోబర్‌ 3 నుంచి 21 వరకు వివిధ సెషన్లలో నిర్వహిస్తున్న సంగతి తెలిసిందే. అయితే, ఈ పరీక్షకు సంబంధించిన బిగ్‌ అప్డేట్‌ను షేర్‌ చేసింది ఏపీ విద్యాశాఖ.
ఇప్పటి వరకు టెట్‌ పరీక్షకు హాజరయ్యే కొందరు టెట్‌ అభ్యర్థులకు రెండు వేర్వేరు ప్రాంతాల్లో ఎగ్జామ్‌ సెంటర్లు కేటాయించేది. అయితే, ఇలా వేర్వేరు సెంటర్లలలో పరీక్ష రాయడానికి పడుతున్న అభ్యర్థుల ఇబ్బందుల నేపథ్యంలో సంచలన నిర్ణయం తీసుకున్నారు.
ఇకపై టెట్‌ అభ్యర్థులు రాసే ఎగ్జామ్‌ ఒకే ప్రాంతంలో ఎగ్జామ్‌ సెంటర్‌ కేటాయిస్తూ ఆన్‌లైన్‌లో హాల్‌ టిక్కెట్లను పొందుపర్చారు. అభ్యర్థులు గందరగోళానికి గురికాకుండా ఉన్నతాధికారులు ఈ నిర్ణయం తీసుకున్నారు.
టెట్‌కు రాస్తున్న అభ్యర్థులు సందేహాల నివృత్తికి ఫోన నంబర్లు కూడా అధికారులు అందుబాటులో ఉంచారు. ఏమైనా సందేహాలు ఉంటే 9398810958, 6281704160, 8121947387, 8125046997, 7995649286, 7995649286, 9963069286, 9398822618 ఫోన్‌ నంబర్లకు సంప్రదించాలి. ఈమెయిల్‌ grievenes.tet@apschool.in మెయిల్‌ చేయవచ్చు.
టెట్‌కు హాజరయ్యే అభ్యర్థులకు అధికారిక వెబ్‌సైట్‌ aptet.apcfss.in ద్వారా నేరుగా హాల్‌ టిక్కెట్లను డౌన్‌లోడ్‌ చేసుకోవచ్చు. టెట్‌ పరీక్షకు హాజరయ్యే అభ్యర్థులు ఈ ఏడాది 4,27,300. టెట్‌ విజయవంతంగా పూర్తి చేసిన అభ్యర్థులు డీఎస్సీ ఎగ్జామ్‌కు అర్హత సాధిస్తారు.