Janhvi Kapoor: క్రికెట్ ప్రియులను సైతం తనవైపు తిప్పుకున్న జాన్వీ కపూర్

జాన్వి కపూర్ అంటే తెలియని తెలుగు ప్రేక్షకుడు ఉండరు. కాగా ఇప్పటివరకు ఈ హీరోయిన్ నటించిన ఏ చిత్రం కూడా ఇంకా విడుదల అవ్వలేదు. అయినా కూడా తనకు ఇంత క్రేజ్ ఎందుకు అంటే.. అందుకు ముఖ్య కారణం శ్రీదేవి కూతురు కావడమే.  

తెలుగు ప్రేక్షకులు ఎంతగానో ఆదరించే అలనాటి అతిలోకసుందరి శ్రీదేవి కూతురు కావడం వల్ల జాన్వి కపూర్ కి తెలుగులో ఎన్నో అవకాశాలు ఒక్కసారిగా వచ్చే పడ్డాయి.  

ఇప్పటికే బాలీవుడ్ లో పలు సినిమాల్లో నటించిన.. ఈ హీరోయిన్ ..ఇప్పుడు జూనియర్ ఎన్టీఆర్ హీరోగా కొరటాల శివ దర్శకత్వంలో వస్తున్న దేవర సినిమాతో తెలుగు డెబ్యూ చేయనుంది.

ఈ చిత్రం ఈ సంవత్సరం సెప్టెంబర్ లో విడుదలకు సిద్ధమవుతోంది. ఈ క్రమంలో ఈ చిత్రం విడుదలకు ముందే రామ్ చరణ్ బుచ్చిబాబు సానా కాంబినేషన్లో వస్తున్న సినిమాలో కూడా జాహ్నవి కపూర్ కన్ఫర్మ్ అయింది.  

రామ్ చరణ్ సినిమా పూజా కార్యక్రమానికి ఈమధ్య జాహ్నవికాపూర్ తన తండ్రి బోనీ కపూర్ తో అటెండ్ అయ్యి అందరినీ ఆకర్షించింది. ఇక సినిమాలతో పాటు ప్రస్తుతం ఇంస్టాగ్రామ్ ఫోటోల ద్వారా కూడా జాన్వీకాపూర్ అందరిని ఆకట్టుకుంటుంది. మొన్న క్రికెట్ స్టేడియం లో కనిపించి నవ్వులు చిందిస్తూ అందరిని మంత్రముగ్ధుల్ని చేసింది ఈ హీరోయిన్.