Devara Hindi Box Office Collection: ‘దేవర’ హిందీ బాక్సాఫీస్ కలెక్షన్స్.. బాలీవుడ్ బాక్సాఫీస్ దగ్గర ఎన్టీఆర్ దూకుడు..
ఆర్ఆర్ఆర్ వంటి ప్యాన్ ఇండియా సినిమాతో ఎన్టీఆర్ ఇమేజ్ గ్లోబల్ లెవల్లో పెరిగింది. అంతేకాదు రాజమౌళితో చేసిన హీరో నెక్ట్స్ సినిమా ఫ్లాప్ అన్న సెంటిమెంట్ కు ‘దేవర’తో చెక్ పెట్టాడు ఎన్టీఆర్. ఈ సినిమా తొలి రోజు దాదాపు రూ. 170 కోట్ల గ్రాస్ కలెక్షన్స్ తో దుమ్ము దులిపి హీరోగా ఎన్టీఆర్ స్టామినా ఏంటో ప్రూవ్ చేసింది.
అంతేకాదు ఆర్ఆర్ఆర్ తర్వాత ఈ సినిమా కన్నడతో పాటు మలయాళం, తమిళం, హిందీలో మంచి వసూళ్లనే సాధించింది. బాలీవుడ్ లో ఈ సినిమా కరణ్ జోహార్ విడుదల చేసారు.
దేవర సినిమాలో ఎన్టీఆర్ మరోసారి తండ్రీ కొడుకులుగా ద్విపాత్రాభినయం చేసారు. అంతేకాదు గత సెంటిమెంట్స్ పక్కన పెట్టి ఈ సినిమా మంచి విజయం సాధించింది. ఈ సినిమా హిందీలో థియేట్రికల్ రన్ ముగిసింది. అంతేకాదు ఈ నెల 8న ఈ సినిమా నెట్ ఫ్లిక్స్ లో స్ట్రీమింగ్ కు రాబోతుంది.
ఈ నేపథ్యంలో ఈ సినిమా హిందీ కలెక్షన్స్ విషయానికొస్తే.. ఈ చిత్రం మిక్స్ డ్ టాక్ తో మంచి వసూళ్లనే రాబట్టింది. ఈ సినిమా హిందీలో రూ. 20 కోట్ల ప్రీ రిలీజ్ బిజినెస్ చేసింది. ఈ సినిమా రూ. 21 కోట్ల బ్రేక్ ఈవెన్ టార్గెట్ తో బరిలో దిగిన ఈ సినిమా ఓవరాల్ గా రూ. 35 కోట్ల షేర్ రాబట్టింది. రూ. 67.70 కోట్ల నెట్ వసూళ్లు.. రూ. 90 కోట్ల గ్రాస్ అందకుంది.
మొత్తంగా హిందీలో ఈ సినిమా రూ. 14 కోట్ల లాభాలను తీసుకొచ్చింది. మొత్తంగా ఆర్ఆర్ఆర్ తర్వాత సోలో హీరోగా ‘దేవర’తో బాలీవుడ్ లో తన సక్సెస్ ట్రాక్ ను కంటిన్యూ చేసాడు. ఒకవేళ పూర్తి పాజిటివ్ టాక్ వచ్చి ఉంటే ఈ వసూళ్లు మరో లెవల్లో ఉండేవి. ఈ సినిమా ప్రపంచ వ్యాప్తంగా రూ. 500 కోట్ల గ్రాస్ వసూళ్లను సాధించి సంచలనం రేపింది.
ఎన్టీఆర్ విషయానికొస్తే.. దేవర పార్ట్ 1 తర్వాత ‘వార్ 2’ సినిమాతో పాటు దేవర పార్ట్ 2తో పాటు ప్రశాంత్ నీల్ తో ‘డ్రాగన్’ మూవీ లైన్ లో ఉన్నాయి. దీంతో పాటు పలు క్రేజీ దర్శకులు లైన్ లో ఉన్నాయి.