Lip Shape: పెదవుల ఆకారాన్ని బట్టి వ్యక్తిత్వాన్ని చెప్పొచ్చట... ఏ ఆకారంలో ఉంటే ఎలాంటి వ్యక్తిత్వం కలిగి ఉంటారంటే..
Defined Cupid's Bow: ఇలాంటి పెదవులు కలిగినవారు మంచి వాక్చాతుర్యం కలిగి ఉంటారు. వారి మాటలతో ఎదుటివారిని ప్రభావితం చేయగలరు. ఎక్కడైనా తమను తాము నిరూపించుకోగలిగే సత్తా కలిగి ఉంటారు. చాలా రొమాంటిక్‌గా కూడా ఉంటారు.
Thin Lips : పైన ఫోటోలో కనిపిస్తున్నట్లుగా సన్నని పెదాలు కలిగి ఉన్నట్లయితే.. ఆ వ్యక్తులు అంతర్ముఖులు. అంటే.. అంత సులువుగా ఓపెన్‌అప్ అవరు. ఎక్కువగా ఒంటరిగా గడిపేందుకే ఇష్టపడుతారు. ఇలాంటి వ్యక్తులు ఇతరులతో కలిసిపోవడం కష్టం. వారితో ఇతరులకు కూడా అసౌకర్యంగానే ఉంటుంది.
Full Lips: పెదాలు రెండు నిండుగా ఉన్నట్లయితే.. ఆ వ్యక్తులు మంచి మనసు కలిగి ఉంటారు. ఇతరుల పట్ల ఎప్పుడూ సానుభూతితో ఉంటారు. ఉదార భావాన్ని కలిగి ఉంటారు. కుటుంబం, స్నేహితులకు ప్రాధాన్యతనిస్తారు. అయితే కొన్నిసార్లు తెంపరిగా వ్యవహరిస్తారు. ఆలోచించకుండా మాట్లాడటం వల్ల చిక్కుల్లో పడుతారు.
Full Lower Lip: పైన ఫోటోలో కనిపిస్తున్నట్లుగా కింది పెదవి నిండుగా ఉన్నట్లయితే.. ఆ వ్యక్తులు చాలా ఎనర్జిటిక్‌గా, ఉల్లాసంగా ఉంటారు. జీవితంలో ఎలాంటి సందర్భంలోనైనా కూల్‌గా ఉంటారు. వృత్తిలో బాగా రాణిస్తారు. కొత్త విషయాలు తెలుసుకోవాలనే కుతూహలం, కొత్త ప్రదేశాలు చూడాలనే ఆసక్తి వీరిలో ఎప్పుడూ ఉంటుంది.
Full Upper Lip: పైన ఫోటోలో కనిపిస్తున్నట్లుగా పై పెదవి నిండుగా ఉన్నట్లయితే... ఆ వ్యక్తులు ఎవరినైనా ఇట్టే ఆకర్షించగలరు. అందరూ ఆ వ్యక్తిని ఇష్టపడుతారు. అలాంటి వ్యక్తులు మంచి హాస్యాన్ని పండిస్తారు. ఎవరినైనా, ఎప్పుడైనా ఇట్టే నవ్వించగలరు. ఎక్కడున్నా సరే కాస్త స్పెషల్‌గా ఉంటారు.