Rain Alert: ఉపరితల ఆవర్తనం.. బంగాళాఖాతంలో అల్పపీడనం, ఈ జిల్లాలో అతిభారీ వర్షాలు..
తెలుగు రాష్ట్రాల్లో చలి తీవ్రత పెరిగిపోతుంది. ఇదిలా ఉండగా ఆగ్నేయ బంగాళాఖాతంలో అల్పపీడనం మరో రెండు రోజుల్లో ఏర్పడనుంది. దీంతో ఆంధ్రప్రదేశ్‌లోని కొన్ని జిల్లాల్లో భారీ వర్షాలు పడనున్నాయి
అండమాన్‌ సముద్రంలో నేడు ఉపరితల ఆవర్తనం ఏర్పడనుంది. మరో రెండు రోజుల్లో ఇది అల్పపీడనంగా మారనుంది. దీంతో 24వ తేదీ రాయలసీమ, కోస్తా ప్రాంతాల్లో మోస్తారు, మరో రెండు రోజుల తర్వాత అతిభారీ వర్షాలు పడనున్నాయి.
ఇదిలా ఉండగా తెలంగాణలో కూడా ఉష్ణోగ్రతలు తీవ్రంగా పడిపోతున్నాయి. చలి పెరుగుతోంది. సాధారణం కంటే 4 డిగ్రీలు సెల్సియెస్‌ తక్కువ నమోదవుతుంది. దీంతోపాటు బలమైన గాలులు కూడా ఈశాన్యం, తూర్పు నుంచి వీస్తున్నాయి.
వాతావరణ శాఖ ఇప్పటికే ప్రజలను ఆరోగ్యంపై తగిన జాగ్రత్తలు తీసుకోవాలని సూచించింది. చలి తీవ్రతకు జలుబు, జ్వరం వంటి తీవ్ర ఇబ్బందులకు గురయ్యే అవకాశం ఉంటుంది.
ఇదిలా ఉండగా గత కొద్దిరోజులుగా ఏపీవ్యాప్తంగా అల్ప పీడనాలు ఏర్పడుతున్నాయి. దీంతో ఏపీ వ్యాప్తంగా తీవ్ర వర్షాలు కూడా కురుస్తున్నాయి. స్కూళ్లకు కూడా సెలవులు ఇస్తున్నారు. తీరప్రాంత ప్రజలను అలెర్ట్‌ చేస్తోంది వాతావరణ శాఖ.