Home Based Small Business Ideas: ఇంట్లో ఉండే నెలకు రూ.50 వేలు సంపాదించాలనుకుంటున్నారా? రోజు 3 గంటల కష్టపడితే చాలు లాభాలే లాభాలు..
నేటి కాలంలో ఉద్యోగాల గ్యాప్ లేదా సరైన ఉద్యోగం లేకపోవడం వల్ల చాలామంది ఇబ్బందులు పడుతున్నారు. ముఖ్యంగా మహిళలు ఉద్యోగాలు చేయడానికి సమయం లేకపోవడం లేదా ఇతర కారణాల వల్ల ఉద్యోగాల నుంచి దూరం అవుతున్నారు.
చాలా మంది మహిళలు కుటుంబ బాధ్యతలను మోస్తారు. ఇంటి పనులు, పిల్లల సంరక్షణ వంటివి వారి సమయాన్ని ఎక్కువగా తీసుకుంటాయి. కానీ మీరు తెలుసుకొనే వ్యాపారంతో ఎలాంటి సమస్యలు లేకుండా సొంతంగా ఇంట్లోనే వ్యాపారం ప్రారంభించవచ్చు.
మహిళలు, యువత కూడా ఈ బిజినెస్‌ను స్టార్ట్‌ చేయవచ్చు. మీకు వంటలు లేదా బేకింగ్‌ మీద ఆసక్తి ఎక్కువగా ఉంటే ఈ వ్యాపారంలో మీ దశ తిరిగినట్లే. ఈరోజు తెలుసుకొనే వ్యాపారం ఇంట్లోనే కేక్ బిజినెస్‌ ఎలా ప్రారంభించాలి అనే ఆంశం.
ఈ వ్యాపారంతో మీరు నెలకు మంచి లాభాలు పొందవచ్చు. ఇది అతి తక్కువ పెట్టుబడితో కూడా ప్రారంభించవచ్చు. మహిళ్లలకు సులభమైన బిజినెస్‌ ఐడియా. మీకు ప్రస్తుతం మార్కెట్‌లో ఎటువంటి కేక్‌లు అమ్ముతున్నారు. వాటికి ఉపయోగించే వస్తువులు మీద అవగహన ఉంటే సరిపోతుంది.
మీ బిజినెస్‌కు మరింత లాభాలు తీసుకురావడంలో సోషల్ మీడియా కూడా ఎంతో సహాయపడుతుంది. మీరు తయారు చేసే కేక్‌లను పోస్ట్ చేస్తూ మరింత డబ్బులు సంపాదింవచ్చు. అలాగే బ్రాండ్‌ ను అందరికి తెలిసేలా చేయవచ్చు.
కేక్ బిజినెస్‌తో మొదట నెలకు రూ. 4 వేల నుంచి రూ. 10, 000 సంపాదింవచ్చు. ప్రజలకు మీ బ్రాండ్‌ , కేక్‌లు నచ్చుతే ప్రతి నెల రూ. 30 వేల నుంచి రూ. 50 వేలు సంపాదించవచ్చు.
కేక్ బిజినెస్‌ను ఆకర్షణీయంగా మార్చడానికి, ఎక్కువ మంది కస్టమర్లను ఆకర్షించడానికి అనేక మార్గాలు ఉన్నాయి. మీ కేక్‌ల రుచి, రూపం, మార్కెటింగ్ వ్యూహాలను మెరుగుపరచడం ద్వారా ఎక్కువ మందిని ఆకర్షించవచ్చు.
వివిధ రుచులు, డిజైన్‌లు, థీమ్‌లతో కూడిన కేక్‌లను అందించడం వల్ల కస్టమర్లను ఆకర్షించవచ్చు. ఎల్లప్పుడూ తాజా, నాణ్యమైన పదార్థాలను ఉపయోగించి కేక్‌లను తయారు చేయండి.
కస్టమర్ల అభిరుచులకు అనుగుణంగా కేక్‌లను కస్టమైజ్ చేయడానికి అవకాశం ఇవ్వండి. ఇన్‌స్టాగ్రామ్, ఫేస్‌బుక్ వంటి సోషల్ మీడియా ప్లాట్‌ఫామ్‌లలో మీ కేక్‌ల ఫోటోలను పోస్ట్ చేయండి. కేక్ బిజినెస్‌కు ఒక వెబ్‌సైట్‌ను సృష్టించి, మీ కేక్‌ల గురించి, మీరు అందించే సేవల గురించి వివరణ ఇవ్వండి.
ఫుడ్ బ్లాగర్‌లతో కలిసి పని చేసి మీ కేక్‌లను రివ్యూ చేయించుకోండి. అలాగే ఫుడ్ ఫెస్టివల్‌లలో పాల్గొని మీ కేక్‌లను ప్రదర్శించండి. దీంతో పాటు వివిధ సందర్భాలలో సీజనల్ ఆఫర్‌లను అందించండి.