Niharika Konidela: పెళ్లి తర్వాత నిహారిక కొత్త ప్రయత్నం
భాను రాయుడు రచన, దర్శకత్వంలో వెబ్ సిరీస్‌కి సైన్ చేసిన నిహారిక తాజాగా ఆ వెబ్ సిరీస్‌ని పట్టాలెక్కించే పనిలో పడింది. అందులో భాగంగానే తాజాగా ఈ వెబ్ సీరీస్‌కి సంబంధించిన పూజా కార్యక్రమం జరిగింది.
ఈ వెబ్ సిరీస్ ప్రారంభోత్సవానికి నిహారిక భర్త చైతన్య జోన్నలగడ్డ కూడా హాజరయ్యాడు. ఈ వెబ్ డ్రామాలో టాలీవుడ్ యాంకర్ అనసూయ భరద్వాజ్ కూడా ఓ కీలక పాత్రలో నటించనుంది.
నిహారిక కొణిదెల వివాహం ( Niharika Konidela wedding ) డిసెంబర్ 9న ఉదయపూర్‌లోని ఉదయ్ విలాస్‌లో సమీప బంధువుల సమక్షంలో అంగరంగ వైభవంగా జరిగిన సంగతి తెలిసిందే. ఆ తరువాత మెగా ఫ్యామిలితో కలిసి క్రిస్మస్ వేడుకలు జరుపుకున్న అనంతరం కొత్త జంట హనీమూన్‌ కోసం మాల్దీవ్స్‌కి వెళ్లొచ్చారు.
అయితే నిహారిక వెబ్ సీరీస్‌లతోనే సరిపెట్టుకుంటుందా లేక సినిమాలలో కూడా నటిస్తుందా అనేది ప్రస్తుతానికి వేచిచూడాల్సిన అంశమే అవుతుందంటున్నాయి ఫిలింనగర్ వర్గాలు.