NPS vs Mutual Funds: NPS వర్సెస్ మ్యూచువల్ ఫండ్స్..రిటైర్మెంట్ నాటికి ఈ రెండింటిలో ఏది బెటర్? పూర్తి వివరాలివే

NPS vs Mutual Funds: పదవీ విరమణ తర్వాత ఆర్థికంగా ఎలాంటి ఇబ్బందులు లేకుండా జీవితం సుఖంగా గడిచిపోవాలంటే ముందుగానే ప్లాన్  చేసుకోవాలి. అప్పుడు ఆర్థిక సమస్యలు తలెత్తకుండా ఉంటాయి. అలాంటి వారి కోసం..మ్యూచువల్ ఫండ్స్, నేషనల్ పెన్షన్ సిస్టమ్ (NPS) రెండూ పెట్టుబడిదారులలో బాగా ప్రాచుర్యం పొందాయి . దీర్ఘకాలంలో ఈ రెండు పెట్టుబడి సాధనాలు సంపద సృష్టికి ఆధారంగా ఉంటున్నాయి. 

ఒక సాధారణ పెట్టుబడిదారుడికి ఈ రెండింటిలో ఎందులో ఇన్వెస్ట్ చేస్తే బాగుంటుంది..ఎందులో ఇన్వెస్ట్  చేయాలన్న  ప్రశ్నల తలెత్తుతుంది. మీరు కూడా ఈ అయోమయంలో ఉన్నట్లయితే ఆందోళన చెందాల్సిన పనిలేదు. ఎన్ పీఎస్, ఈక్వీటీ మ్యూచువల్ ఫండ్స్ ఈ రెండూ వాటి ప్రత్యేక ప్రయోజనాలను కలిగి ఉన్నాయి. రెండింటి మధ్య వ్యత్యాసం తెలుసుకుంటే రిటైర్మెంట్ తర్వాత దేన్ని ఎంచుకోవాలనేది మీకూ అవగాహన వస్తుంది.   

NPS vs మ్యూచువల్ ఫండ్: NPS అనేది దీర్ఘకాలిక పెట్టుబడి ఉత్పత్తి.ఇది రిటైర్మెంట్ ప్రణాళికకు సంబంధించిన మంచి ఎంపిక. పదవీ విరమణ తర్వాత సాధారణ ఆదాయాన్ని అందించేలా దీన్ని రూపొందించారు. అదే సమయంలో, మ్యూచువల్ ఫండ్‌లు సంపద సృష్టి, పన్ను ఆదా, మధ్య కాలం నుండి దీర్ఘకాలిక పదవీ విరమణ వంటి అనేక ప్రధాన ఖర్చులను దృష్టిలో ఉంచుకుని రూపొందించాయి. ఇందులో పెట్టుబడిదారులు తమ అవసరాన్ని బట్టి లక్ష్యాలను నిర్దేశించుకోవచ్చు. 

హెచ్చు తగ్గులు   NPS గురించి మాట్లాడినట్లయితే, ఇది మరింత సురక్షితమైనది. ఎందుకంటే  నిధులను ఈక్విటీలు, కార్పొరేట్ బాండ్‌లు, ప్రభుత్వ సెక్యూరిటీలలో పెట్టుబడి పెడతారు. అయితే ఈక్విటీ మ్యూచువల్ ఫండ్‌లు ఎక్కువగా ఈక్విటీలలో అంటే షేర్లలో మాత్రమే పెట్టుబడి పెడతాయి. కాబట్టి, స్టాక్ మార్కెట్ హెచ్చుతగ్గుల వల్ల మీరు ఇబ్బంది పడుతుంటే, మీరు NPSని ఎంచుకోవాలి. మీరు పదవీ విరమణ కోసం ప్లాన్ చేస్తుంటే, ఎన్‌పిఎస్‌లో పెట్టుబడి పెట్టడం మంచి ఎంపిక. 

ఆదాయపు పన్ను మినహాయింపు NPS పెట్టుబడిదారులు ఆదాయపు పన్ను సెక్షన్ 80 CCD(1B) కింద రూ. 50,000 అదనపు పన్ను పొందుతారు. NPS పెట్టుబడులపై పన్ను మినహాయింపు, మూలధన విలువపై పన్ను మినహాయింపు, పెన్షన్ కార్పస్‌లో 60% పన్ను మినహాయింపు, యాన్యుటీ ఉత్పత్తులను కొనుగోలు చేయడంపై పన్ను మినహాయింపు ఉన్నాయి. అదే సమయంలో, ఈక్విటీ లింక్డ్ సేవింగ్ స్కీమ్ (ELSS) మ్యూచువల్ ఫండ్‌లు మాత్రమే పన్ను మినహాయింపును పొందవచ్చు. 

లాక్-ఇన్ పీరియడ్  NPS టైర్ 1 పెట్టుబడులు పదవీ విరమణ వరకు లాక్-ఇన్ వ్యవధిని కలిగి ఉంటాయి. 3 సంవత్సరాల లాక్-ఇన్ ఉన్న ELSS మ్యూచువల్ ఫండ్‌లకు తప్ప, చాలా ఈక్విటీ మ్యూచువల్ ఫండ్‌లకు లాక్-ఇన్ పీరియడ్ ఉండదు. కాబట్టి మీరు సుదీర్ఘ లాక్-ఇన్ వ్యవధిని నివారించాలనుకుంటే, మీరు ELSS మ్యూచువల్ ఫండ్‌లను ఎంచుకోవచ్చు.   

ఏది ఎక్కువ రాబడిని కలిగి ఉంటుంది? రిస్క్ ఎక్కువగా ఉన్నందున, ఈక్విటీ మ్యూచువల్ ఫండ్స్ దీర్ఘకాలంలో అధిక రాబడిని అందిస్తాయి. NPS పథకాలు సాధారణంగా 10-12% రాబడిని ఇస్తుండగా, ఈక్విటీ మ్యూచువల్ ఫండ్లు దీర్ఘకాలంలో 14-16% రాబడిని ఇస్తాయి. అందువల్ల ఒకరి పెట్టుబడి లక్ష్యం ప్రకారం ఎంచుకోవాలి. NPS,  ఈక్విటీ మ్యూచువల్ ఫండ్‌లు వేర్వేరు ఫీజు నిర్మాణాలు, లాక్-ఇన్ పీరియడ్‌లు, నిష్క్రమణ లోడ్లు, పెట్టుబడి వ్యూహాలు,పన్ను ప్రయోజనాలను కలిగి ఉంటాయి. కాబట్టి, పెట్టుబడి పెట్టే ముందు ఈ పాయింట్లను తప్పనిసరిగా అంచనా వేయాలి.