Rakshana OTT News: పాయల్ రాజ్‌పుత్‌ ఇన్వెస్టిగేటివ్‌ థ్రిల్లర్‌ `రక్షణ` ప్రముఖ ఓటీటీలో స్ట్రీమింగ్.
పాయల్ రాజ్ పుత్ తెలుగులో RX 100 మూవీతో తెలుగు సినీ ఇండస్ట్రీలో హాట్ భామగా తన కంటూ ప్రత్యేక గుర్తింపు తెచ్చుకుంది. ఈమె లీడ్ రోల్లో ప్రణదీప్ ఠాకూర్ దర్శకత్వంలో తెరకెక్కిన మూవీ ‘రక్షణ’. ఈ సినిమాను ఆయనే నిర్మించడం విశేషం.
జూన్ 7న ఈ సినిమా విడుదలై ఓ మోస్తరు విజయం సాధించింది. తాజాగా ఈ మూవీ ప్రముఖ ఓటీటీ ఆహాలో ఆగష్టు 1 నుంచి (నేటి) నుంచి ఈ సినిమా స్ట్రీమింగ్ అవుతోంది.
నిజ జీవిత సంఘటనల ఆధారంగా ఈ చిత్రాన్ని తెరకెక్కించారు. ఈ సినిమాలో పాయల్ రాజ్ పుత్.. ‘లేడీ సింగం’గా తన పాత్రలో జీవించింది. కథ, కథనం ఈమె నటన ఈ సినిమాకు స్పెషల్ అట్రాక్షన్ గా నిలిచింది.
ఈ సినిమాలో పాయల్ రాజ్ పుత్ తో పాటు మానస్ నాగులపల్లి, రాజీవ్ కనకాల, చక్రపాణి ఆనంద ఇతర కీలక పాత్రలు పోషించిన ఈ చిత్రానికి యంగ్ కంపోజర్ మహతి స్వర సాగర్ స్వరాలు సమకూర్చారు.
ఈ వీకెండ్ ఓటీటీ ఎంటర్టైన్మెంట్ కోసం ఆసక్తిగా ఎదురు చూస్తోన్న ప్రేక్షకులకు ‘ఆహా’ ఓటీటీలో ‘రక్షణ’ మూవీ ఫస్ట్ ఛాయిస్ అని చెప్పడంలో ఎలాంటి సందేహం లేదు.