Priyanka Mohan: సెన్సేషనల్ హీరోయిన్ గా మారుతున్న ప్రియాంక మోహన్.. ఏకంగా తెలుగులో అన్ని ఆఫర్లు!

నాని హీరోగా.. విక్రమ్ కే కుమార్ దర్శకుడిగా వచ్చిన చిత్రం గ్యాంగ్ లీడర్. ఈ సినిమాలో ప్రియా అనే పాత్రలో కనిపించి అందరిని మెప్పించింది.. ప్రియాంక మోహన్. మొదటి సినిమా అయినా కానీ.. తన అందం అభినయంతో అందరిని ప్రేమలో పడేసింది.

ఇక ఆ తరువాత శర్వానందుతో శ్రీకారం అనే సినిమాలో సైతం నటించి మెప్పించింది. తెలుగులోనే కాకుండా తమిళంలో కూడా మంచి విజయాలు సాధించింది ప్రియాంక. ముఖ్యంగా శివ కార్తికేయన్ తో.. ప్రియాంక చేసిన వరుణ్ డాక్టర్ తెలుగు, తమిళ భాషల్లో మంచి విజయాన్ని సాధించింది.

వరుణ్ డాక్టర్ తరువాత మరోసారి శివ కార్తికేయన్ తో డాన్ చిత్రంలో.. నటించి రెండో విజయం సైతం అందుకుంది ఈ ముద్దుగుమ్మ. ఈ మధ్యనే ధనుష్ హీరోగా వచ్చిన కెప్టెన్ మిల్లర్ లో.. వేల్మతి అనే పాత్రలో కనిపించింది. 

ప్రస్తుతం సుజిత్ దర్శకత్వంలో.. పవన్ కళ్యాణ్ హీరోగా వస్తున్న ఓజి.. చిత్రంలో హీరోయిన్గా నటిస్తోంది. మరోపక్క నానితో సరిపోదా శనివారంలో కూడా కనిపించనుంది. అలానే తమిళంలో బ్రదర్ అనే చిత్రంలో నటిస్తోంది. ఈ హీరోయిన్ జోరు చూస్తూ ఉంటే.. శ్రీ లీలా ఇన్ని రోజులు తెలుగులో క్రియేట్ చేసిన సెన్సేషన్.. ఇప్పుడు ప్రియాంక చేసేటట్లు ఉంది అంటూ కామెంట్లు పెడుతున్నారు అభిమానులు.

ఈ క్రమంలో ప్రియాంక ఇంస్టాగ్రామ్ లో షేర్ చేసిన ఫోటోలు కూడా తెగ వైరల్ అవుతున్నాయి. ఈ ఫోటోలు ఆమె అభిమానులను ఫిదా చేస్తూ.. ప్రేమలో పడేస్తున్నాయి.