Running Tips: ఖాళీ కడుపుతో రన్నింగ్ చేస్తున్నారా? ఇవి తప్పకుండా తెలుసుకోండి!
అలాగే చాలామంది ఖాళీ కడుపుతో రన్నింగ్ కూడా చేస్తూ ఉంటారు. నిజానికి వైద్యులు ఏం చెబుతున్నారంటే ఖాళీ కడుపుతో ప్రతిరోజు ఉదయం పూట రన్నింగ్ చేయడం వల్ల శరీరానికి బోలెడు లాభాలు కలుగుతాయట. ముఖ్యంగా దీర్ఘకాలిక వ్యాధులు ఉన్నవారు ఇలా చేయడం మరింత మంచిదని వారంటున్నారు.
శరీరంలోని చెడు కొలెస్ట్రాల్ను తగ్గించుకోవడానికి ప్రతిరోజు టిఫిన్ తిన్న తర్వాత వాకింగ్ చేయడం కంటే, ఖాళీ కడుపుతో వాకింగ్ లేదా రన్నింగ్ చేయడం ఎంతో మంచిదని నిపుణులు చెబుతున్నారు. ఇలా చేయడం వల్ల శరీరంలోని క్యాలరీస్ సులభంగా తగ్గే అవకాశాలు ఉన్నాయి.
ప్రస్తుతం చాలామందిలో మొండి కొవ్వు కారణంగా బరువు పెరుగుతున్నారు. అయితే దీనిని నియంత్రించుకోవడానికి కాళీ కడుపుతో చేసి రన్నింగ్ ఎంతగానో సహాయపడుతుందని ఆరోగ్య నిపుణులు చెబుతున్నారు. ఇలా చేయడం వల్ల గుండె ఆరోగ్యం కూడా మెరుగుపడుతుందట.
అధ్యయనాల ప్రకారం ఖాళీ కడుపుతో ప్రతిరోజు వ్యాయామం, రన్నింగ్ చేయడం వల్ల ఇన్సులిన్ ప్రక్రియ మెరుగుపడుతుందట. దీని కారణంగా దీర్ఘకాలిక వ్యాధుల బారిన పడకుండా ఉంటారని ఆరోగ్య నిపుణులు చెబుతున్నారు.
అలాగే మధుమేహంతో బాధపడుతున్న వారు కూడా ఇలా ఖాళీ కడుపుతో ప్రతిరోజు వాకింగ్ చేయడం వల్ల ఎంతో మంచి ఫలితాలు పొందుతారు. అంతేకాకుండా రక్తంలోని చక్కెర పరిమాణాలు కూడా నియంత్రణలో ఉంటాయి.
ప్రతిరోజు ఖాళీ కడుపుతో రన్నింగ్ చేయడం వల్ల మానసిక ఆరోగ్యం కూడా మెరుగుపడుతుంది. తరచుగా ఒత్తిడి వంటి సమస్యలతో బాధపడుతున్నవారు ప్రతిరోజు ఖాళీ కడుపుతో తప్పకుండా వాకింగ్ చేయాల్సి ఉంటుంది.