Ev Cars: ఈ 5 ఎలక్ట్రిక్ కార్లపై ఏకంగా రూ.15 లక్షల తగ్గింపు.. ఈ ఛాన్స్ పోతే మళ్లీ రాదు
Electric car discounts: కొన్నిరోజుల్లో దేశంలో పండగల సీజన్ షురూ కానుంది. తమ విక్రయాలను పెంచుకునేందుకు కార్ల కంపెనీలు కళ్లు చెదిరే డిస్కౌంట్స్ తోపాటు ఆఫర్స్ ను ప్రకటిస్తున్నాయి. ఈ నెలలో మీరు కొత్త కారు కొనాలని ప్లాన్ చేసినట్లయితే మీకో ఇది బంపర్ ఆఫర్ అని చెప్పవచ్చు. ఎందుకంటే ఈ కార్ల పై ఏకంగా రూ. 15లక్షల వరకు ఆదా అవుతుంది. ఇంత భారీ డిస్కౌంట్ ప్రకటించడానికి కారణం ఓల్డ్ స్టాక్ మిగిలిపోవడమే. పలు నివేదికల ప్రకారం కారు కంపెనీలు ఉత్పత్తిని చాలా వరకు తగ్గించాయి. సెప్టెంబర్ నెలలో భారీ డిస్కౌంట్లను అందిస్తున్న ఈ టాప్ 5 కార్ల గురించి పూర్తి వివరాలు చూద్దాం.
ఈ నెల, కియా తన ప్రీమియం ఎలక్ట్రిక్ SUV EV6పై భారీ డిస్కౌంట్ అందిస్తోంది. EV6ని కొనుగోలు చేయడానికి మీకు ఇంతకంటే మంచి అవకాశం లభించకపోవచ్చు. మీరు ఈ నెలలో Kia EV6లో రూ. 15 లక్షల వరకు ఆదా చేసుకోవచ్చు. Kia EV6 ఎక్స్-షోరూమ్ ధర రూ. 60.97 లక్షల నుండి ప్రారంభమవుతుంది. ఈ కారుపై లభించే డిస్కౌంట్ నిజంగానే అతిపెద్ద తగ్గింపు.
ఈ నెల, టాటా మోటార్స్ దాని చౌకైన ఎలక్ట్రిక్ SUV పంచ్ EVపై రూ. 1.2 లక్షల వరకు తగ్గింపును అందిస్తోంది. ఈ SUV ఎక్స్-షోరూమ్ ధర రూ. 9.99 లక్షల నుండి రూ. 14.29 లక్షల వరకు ఉంది. ప్రస్తుతం, మీరు దానిపై అందుబాటులో ఉన్న భారీ తగ్గింపుల ప్రయోజనాన్ని పొందవచ్చు.
మీరు Tata Nexon EVని కొనుగోలు చేయాలని ప్లాన్ చేస్తున్నట్లయితే.. ఈ నెలలో ఈ వాహనంపై చాలా మంచి ఆఫర్ ఉంది. నెక్సాన్ EVపై ఈ నెలలో రూ. 3 లక్షల వరకు డిస్కౌంట్ ప్రకటించింది. ఈ వాహనం ఎక్స్-షోరూమ్ ధర రూ.12.49 లక్షలు.
ఈ జర్మన్ లగ్జరీ కార్ కంపెనీ BMW తన లగ్జరీ ఎలక్ట్రిక్ SUV iX1 పై రూ.7 లక్షల వరకు డిస్కౌంట్ ఇస్తోంది. ఈ తగ్గింపు ఈ నెల (సెప్టెంబర్) వరకు మాత్రమే ఈ ఆఫర్ చెల్లుబాటు అవుతుంది. ఈ SUV ఎక్స్-షో ధర రూ.66.90 లక్షలు.దీనిపై డిస్కౌంట్ లభిస్తుంది. ఈ పండుగ సీజన్‌లో BMW iX1ని కొనుగోలు చేయాలనుకుంటే ఇదే బెస్ట్ టైమ్ అని చెప్పవచ్చు.
మీరు ఈ నెలలో MG ZS EVని కొనుగోలు చేస్తే రూ. 3 లక్షల వరకు డిస్కౌంట్ పొందుతారు. ఇది చాలా మంచి రేంజ్, ఫీచర్లతో వస్తున్న ఎలక్ట్రిక్ SUV. ఈ మొత్తం తగ్గింపులో ఎక్స్ఛేంజ్ బోనస్ తోపాటు క్యాష్ బ్యాక్ ఆఫర్ కూడా ఉంటుంది. ఈ కారు ధర రూ.18.98 లక్షల నుంచి ప్రారంభమవుతుంది.