TSPSC Groups 3 Exams: గ్రూప్ 3 అభ్యర్థులకు బిగ్ అలర్ట్.. హల్ టికెట్లను విడుదల చేసిన టీజీపీఎస్సీ..

తెలంగాణలో సర్కారు కొలువుల కోసం అభ్యర్థులు కొన్నేళ్లుగా ప్రిపేర్ అవుతున్నారు. ఈ క్రమంలో అభ్యర్థులు గ్రూప్2, గ్రూప్ 3 ఎగ్జామ్ ల కోసం ఎక్కువగా ప్రిపేర్ అవుతుంటారు.

ఈ నేపథ్యంలో టీజీపీఎస్సీ గతంలో నోటిఫికేషన్ విడుదల చేసింది. మొత్తం 1388 పోస్టులకు టీజీపీఎస్సీ నోటిఫికేషన్ విడుదల చేసింది. గ్రూప్ 3 ఎగ్జామ్ లో.. 3 పేపర్లు ఉంటాయి.

ఈ ఎగ్జామ్ ను ఈ నెల 17, 18 వ తేదీల్లో నిర్వహించనున్నట్లు తెలుస్తొంది. ఉదయం 10 నుంచి మధ్యాహ్నం 12.30 వరకు పేపర్ 1 ఎగ్జామ్, అదే రోజు 3 నుంచి సాయంత్రం 5.30 వరకు పేపర్ 2 ఉంటుంది.

ఆ తర్వాత 18 వ తేదీన  ఉదయం 10 నుంచి మధ్యాహ్నం 12.30 గంటల వరకు పేపర్ 3 ఉండనుంది. ఈ ఎగ్జామ్ కు 5.36 లకల మంది అభ్యర్థులు పోటీ పడుతున్నట్లు తెలుస్తొంది.

ఉదయం 9.30 తర్వాత, మధ్యాహ్నం 2.30 అనంతరం ఎగ్జామ్ కేంద్రంలోకి ఎవర్ని అనుమతించని తెలుస్తొంది. ఒక్కొపేపర్ కు 150 మార్కుల చొప్పున 450 మార్కులకు ఎగ్జామ్ నిర్వహిస్తారు.

దీనిలో ఇంటర్వ్యూ ఉండదు. మెరిట్ ఆధారంగా అభ్యర్థులను ఎంపిక చేస్తారు. పూర్తి వివరాలకు టీజీపీఎస్సీ అధికారిక వెబ్ సైట్  tspsc.gov.in. ను  సందర్శించాలని కమిషన్ ఒక ప్రకటనలో వెల్లడించింది.