UPI Payment: యూపీఐ చెల్లింపుల్లో తస్మాత్ జాగ్రత్త, ఇలా మోసపోయే అవకాశాలు

యూపీఐ చెల్లింపులు ఎక్కువయ్యే కొద్దీ మోసాలు కూడా పెరిగిపోతున్నాయి. గత కొన్నేళ్లలో యూపీఐ మోసాలు చాలావరకూ వెలుగు చూశాయి. 

యూపీఐ పిన్ నెంబర్‌ను ప్రతి నెలా మారుస్తూ ఉండాలి లేదా పిన్ నెంబర్‌ను మూడు నెలలకోసారి మారుస్తుండాలి. యూపీఐ ద్వారా రోజువారీ లావాదేవీలకు ఓ పరిమితి పెట్టుకోవాలి.

రివార్డులు, క్యాష్ బ్యాక్ లేదా ధనం ఆశ చూపించే వెబ్‌సైట్ల ద్వారా లావాదేవీలు జరపవద్దు. ఇలాంటి ఆశలు చూపించి మీ పిన్ తీసుకునే ఆస్కారముంది.

కస్టమర్ కేర్ ప్రతినిధులకు ఎప్పుడూ మీ మొబైల్ లేదా కంప్యూటర్ యాక్సెస్ ఇవ్వవద్దు. బ్యాంక్ యాప్స్‌లో కొన్ని సెట్టింగులు చేసే వంకతో లేదా కేవైసీ వంకతో మిమ్మల్ని మోసం చేసేందుకు ప్రయత్నిస్తారు. 

యూపీఐ పిన్‌ను ఎప్పుడూ ఎవరితోనూ పంచుకోవద్దు. ముఖ్యంగా కస్టమర్ కేర్ లేదా మెస్సేజ్‌లు వచ్చినప్పుుడ స్పందించవద్దు. యూపీఐ పిన్ ఎవరైనా అడిగారంటే కచ్చితంగా అది నకిలీ లేదా మోసపూరిత వ్యవహారం కావచ్చు. తస్మాత్ జాగ్రత్త.